強國人喺港鐵上大小二便，如廁者以為用膠袋、報紙好「文明」，港人真係無法接受；更離譜嘅係今日（9月16日）有網友喺火車上目擊有強國小朋友就咁踎喺座位上小便，令車廂乘客嘩然，有女乘客仗義執言後，強國家長先用紙巾抹走尿液；事後仲將紙巾遺留於座位上。





今日一名叫「PokYin Lpy」嘅網民喺Facebook上載咗2張小朋友公眾便溺嘅相，網友指，佢乘坐開往紅磡方向嘅火車，喺火炭站目擊強國家長，抱起小朋友，就地解決；另外仲有2位同行家長喺旁邊望住。

網友隨即致電港鐵，要求派職員處理事件，對方回應「會搵同事留意吓」，但火車駛至火炭仍未有職員介入，強一家人已經落車，「有餡紙巾」就隨意放喺座位一邊；直至大圍站先有職員喺車站上觀望事件。

網民表示，事件令人無法接受，港鐵服務「衰過之前」；無人告知息客嘅情況吓，相信之後有唔少乘客「中伏」，坐過呢個嘔心座位。

http://nextplus.nextmedia.com/news/spot/20150916/263253