早排成班同事圍埋傾開吃喝玩樂
飲飲食食嘻嘻哈哈
成班好似唔撚使做咁

有人提議: 不如搵日一齊燒野食啦

阿頭老王聽到成班人興高采烈咁討論
都過來湊下熱鬧
「喂！不如咁呢...搵個禮拜六一齊去大尾督玩返日啦！」
上司開得聲
一班做細既梗係群起附和啦
「好喎...大尾督多野玩呀！」
「正呀！好耐冇去過燒野食啦！」
「well...就下個月啦，等大家呢排忙完就搵個weekend去，順便當relax下」
「好呀！」

一如以往，呢啲情況我都係笑而不語
對於班無聊既同事間9up吹水
我早已習慣，亦唔打算參與其中

一來身為毒撚，團體活動本來就唔太啱我
二來我返工唔係為咗識朋友
我只係打份工搵下錢，等月尾出糧可以課金玩online game
三嚟，一諗到燒親野食都係大尾督已經覺得悶

我坐喺自己位，飲一啖自己剛剛手磨既黃金曼特寧
對住電腦扮下做野
一邊諗緊對於膠登既內務有冇咩建議

新嚟既mk仔同事ozil似乎唔察覺我一向不屑同班同事social
居然走過嚟問我
「屌！溪哥！我地住咁撚近，到時我跟你車啦ok?」

我望咗佢一眼：「而家同你好熟咩？」

ozil當堂呆咗唔識反應
喺呢個時間，本來喧嘩既辦公室已經變成一片死寂
氣氛真係幾尷尬，全部人dead air哂望住我

靜咗兩秒後，我就打個圓場畀返條mk仔一個下台階
「講笑啦！其實係我未必得閒去啦 」
ozil：「吹到...以為你咩事咁撚串呀溪哥！哈哈哈」
我：「哈哈！你地去玩啦」
我心諗，屌你老母睇你改個撚名叫自己ozil都知你係on99咁架啦
不過我廢撚事同你條mk仔計較咁多

但呢個時候，秘書阿wing突然有個提議
「去大尾督不如嚟我屋企玩啦！可以喺我天台燒野食喎！」
大家聽到有人提供場地玩
當然即時轉軚
「好呀！有場玩仲正！」
「慳返啲錢買多啲野食啦！」
「怕唔怕打攪你呀wing？」
「咪係囉！你老公會唔會嫌我地嘈呀？」

秘書阿wing前兩年先結咗婚
婚後就搬咗入元朗啲村屋住
佢老公從事金融行業，簡稱保險佬
不過關我撚事咩
而阿wing留一把長長既黑髮
身材嬌小瘦削，皮膚白晢
聲音嬌嗲
上圍目測B cup
唔大唔細剛好吸手
雖然人比較矮細，但腳既比例都算長兼幼腿

(點解要形容到咁仔細？咁就梗係我平時都有J開佢啦 )

wing：「唔會啦！我老公佢都好鍾意一大班人一齊玩！」
老王：「就咁決定啦！日子再定...到時酒水我包哂！」
眾人歡呼

wing：「松溪！你都嚟啦！一齊玩開心啲呀！」
望住阿wing咁靚既笑容，聽到佢咁甜既聲音
我實在唔知可以點拒絕
「既然係咁...我再睇下安唔安排到時間啦！」

ozil：「溪哥你實得既！咁到時我跟你車啦！」

屌你老母冚家產....