是咁的，

　　最初同imagine，4號仔admin，其他我唔撚記得左名既巴打，起草民主制度既契機，係因為「大吾之亂」。

　　如果有巴打唔記得左大吾做過咩，就去網典睇番。總之，大吾引申左一個論點：無論係善定係惡，都唔能夠用制度去定義。

　　法律唔係無敵，法律會有漏洞，會過度量化，會無法判斷當事人既心意，大吾只係第一個案例，之後仲會第二個﹑第三個，而每一次，都會有新既爭拗，新既矛盾，人心既理性同智慧，正用黎填補法律之外既空白。

　　當時膠登有好多巴打經歷過613，都相信靠住人心，可以扭轉法制既殘缺。所以先傾好左「公投封禁法」，希望能夠用公投，去處理具有爭議性既案件，令膠登變得更民主，更理性，更自由。

　　當時至少我係咁諗，而我亦一直用依一點去架構各種制度。
　　
’　　民主既精神除左以民意解決問題，更重要既，係民眾係參與既過程入面，有選擇既權利。而「選擇」，就需要價值判斷，而藉由思考唔同既價值，就能夠令族群以至社會持斷演進，變得更好。

　　但今日膠登既規條愈來愈瑣碎，一改再改，三改四改。我定30日鎖post，你可以29日鞭，我再定28日鎖－－攻守雙方都只係為左滿足「符合規則」同「破獲規則」既「成效」，而唔係背後既價值。

　　當大部分人都唔再思考，唔再以善意理性去判斷任何選擇，再仔細既制度，都係小學生既校規，為規定而規定。

　　話我唔想講太絕，或者仲有巴打有心。但同好多香港人一樣，我既工作同工時都愈黎愈沉重，上膠登，我只係9up，派膠，更新自己個故，釋放下日常既抑壓。

　　名我就唔開啦，如果仲有有巴打努力思考緊膠登既制度，我勸你都係回頭是岸，生命誠可貴呀。

　　講完。