唔知點解薄熙來咁大單新聞，可以話係國際新聞，時事台好似無提過。而家我大概講下

薄本來係中共重慶市委書記，因為受重慶市公安局局長王立軍事件影響(王立軍私自前往美國駐成都總領事館滯留，被法院認定為叛逃)，薄熙來被解除重慶市委書記職務，之後，王立軍因被控徇私枉法、叛逃、濫權及受賄罪被判有期徒刑十五年，而薄熙來被雙開(開除黨籍及公職)，移送到司法機關處理，並罷免十一屆全國人大代表職務。

及後，人民檢察院因為薄熙來涉受賄、貪污、濫用職權犯罪案起訴。而家薄熙來案件而家喺濟南市中級人民法院開庭審理。

琴日(質證)聆訊上，薄熙來推翻之前口供辯稱不知情，矢口否認受賄指控，並提出尖銳問題反駁證人。

薄熙來佢嘅作風係文革式，佢喺重慶推行「唱紅打黑」，紅係指毛澤東嘅左派理念，包括「唱紅歌、讀經典、講故事、傳箴言」，而黑就係「除惡專項行動」，有指係剷除異己行為。而重慶喺佢領導下，靠土地提高GDP，加上佢嘅理念，引起好大非議。