2分鐘 ·

廁所見習大辯論

世界各國都食豬肉，咁英國首相招呼地阿拉伯國王，會不會上個吉列豬扒？

在中國文化之中，廁所污糟躐蹋，係好避忌的，例如有一句叫做「屎坑三姑」，英文就唔會講：Third Aunty of the Shit Pit。所以正如英國的 Casino 不會驟忌個女荷官戴黑色 Bra，但如果你係山西煤礦主坐低，就會覺得邪，要換條紅底褲至落場嘞。

這就叫做多元文化。

鬼唔知喺廁所門口傾嘢係隨和兼 Relax、兼各國領袖都坐過呢個位咩？我本人當然認為冇問題喇。

冇錢俾嘅各國領袖，坐廁所門口，俾三百億英鎊，又坐廁所門口，請全體炎黃子孫用個大腦想一想：咁俾錢同唔俾錢，有何分別？坐飛機，又點解要分 EY 同頭等？

強國時時強調強國係有自己國情、兼要自訂國際規矩家嘛係未？英方咁樣即係強迫祖國喺個廁所門口同國際接軌？如果你身為中國人、覺得感情冇受損害，fine，咁你咪坐喺廁所門口接受此一「普世價值」law。