1. 繼續相信網絡民主制度
我好天真地繼續信任各位村民，亦希望大家思考下民主嘅價值，因為膠登冇左網絡民主制度就同一個普通forum完全冇分別。當然，我會有具體嘅計劃去改善內務制度嘅bug，但係唔會動搖到我對網絡民主依個基礎嘅信任。喺我嘅改革實行之前，我會善用內務長嘅否決權，所有含掟石成份嘅公投將予以否決。

2. 改革版規
首先，我會將公投封禁改革為唔需要參考版規，但係發起人需要提出理性而具說服力嘅理據去說服內務長接納公投。而內務團隊最後亦有把關嘅權力，否決獲通過而又抵觸佢地常識嘅公投。
第二，廢除目前用犯規次數量化刑期嘅不合理制度。公投封禁嘅刑期會由贊成比率量化，而內務長直接封鎖嘅刑期會由內務長決定，會員不滿可以發動上訴公投，上訴公投嘅贊成比率將會起到重大作用(放人/減刑/加刑)
第三，簡化上訴制度。上訴嘅聯署同投票可以喺同一個post進行，內務長無需插手。
最後，研究鞭屍嘅最終解決方案。而家鞭屍好似有所收儉，除非故態復萌，否則依個唔會係我嘅工作重點。但係我任內亦會諮詢會員點樣最終處理鞭屍嘅死結。(我嘅建議就係依度: http://hkgalden.com/view/298294/highlight/880)[/size=2]
由於我會搞比較多改革，所以亦歡迎各位問多D問題，等我有幸做到內務長可以list個FAQ出嚟
而當我做到內務長，我會同我嘅colleagues傾個時間表出嚟再公布，從而增加透明度~

3. 長期侯命
我唔知道會員會唔會用[email protected]去聯絡內務團隊，但係假如我上臺，我會推廣用email舉報，而本人除瞓覺時間外，大部分時間都上緊網，所以我一收到舉報就會做野~

4. 其他技術性問題
3227提出左案例嘅影響力嘅問題，我認為內務長面對質疑嘅時候唔應該直接用案例做擋箭牌，尤其是好多案例都係on99咁過左。由於案例數目太多，亦冇可能重新審視各個case嘅合理性。所以
另外，而家膠登仔冇權自行提出版規修訂，罷免內務長程序亦有bug。我任內會改善返依D問題。
追溯期問題：用ozil個idea
徐庶同爆哥：唔知制度上我有冇可能干涉依兩單野啦，但係我都會同返內務團隊討論下。
至於我做內務諮詢會盡量提供詳盡版及懶人版，供唔同屬性嘅膠登仔閱讀。

5. 同管理員關係
喺我眼中內務制度係膠登會員嘅社會契約，同管理員冇直接關係而管理員又有絕對權力去影響成個forum。所以我會同ice保持良好關係，但係我做任何內務決定係唔會受佢影響。
而本人亦有一個諗法就係搞個站務長嘅職位出嚟，用途純粹係喺ice做柒事之前撳住佢 。當然我會同ice溝通下先拎出嚟討論~

6. 一鍵留名問題
我會推動各位會員將一鍵留名幅圖縮細，減低影響程度。