日前首次喺香港發生內地旅客因購物糾紛被打死事件，不少強國網民聲言要抵制香港，深化中港矛盾。不過近日就有巴打為愛反高潮，喺討論區直指花錢娶普通港女不如娶個大陸靚女！

樓主認為「花幾百萬可以喺大陸二三線城市，娶到又靚又後生嘅女仔，點解要逼自己娶一個普普通通嘅港女？」；又謂可能唔少人怕被內地女性呃錢，但係「港男又何嘗唔係俾港女呃？食到個後生又靚嘅，呃都抵啦」；仲揚言咁樣先至係精明嘅消費者，因為用同樣價錢，可以換來更優質嘅選擇。

綜合網友嘅意見，多數人都唔太贊同樓主嘅諗法，最主要嘅原因係「文化差異」、覺得同內地女性無法溝通；有人就話兩個人拍拖唔係用金錢衡量，最緊要係互相努力同相處到，唔需要標籤地方；亦有人覺得呢種思想同「愛洋腸嘅港女」一樣，即係覺得隔離飯香啲囉！

http://hk.apple.nextmedia.com/realtime/magazine/20151023/54345094