同男朋友拍左年幾拖, 佢一直都有要求同我曳曳, 我唔肯, 好多野驚 ,
不過早排同個好姐妹傾完後 , 開始明白到男女之間有sex係好正常既事 , 慢慢開通左 , 亦都覺得男朋友幾好仔 ,
終於上星期同佢去長州兩日一夜 , 玩左成日 , 夜晚訓係床到 , 佢毛手毛腳果時我話ok , 佢好似好開心 , 笑到見牙唔見眼 ,
見到佢咁既樣我都覺得開心...

但之後既事真係估唔到, 我諗住接下來就係開心浪漫既一晚,
但一除衫男朋友突然爆左句 "嘩, 咁核突既!?" ,
我呆哂, 本來好緊張都少少期待都即刻變左好唔開心 , 我問佢做咩.. 佢指住我話" 你果到呀" ,
大家唔好諗錯地方 , 佢隻手指係指我腋下既位置 , 因為我天生都有d毛 , 黎之前剃左腳毛但冇剃過其他位置, 所以都有d毛毛係腋下面...

諗住繼續落去 , 佢竟然話冇哂心情, 佢都講到咁我都冇心情 , 之後到而家都冷淡左 ,
番到黎佢仲不斷叫我去脫毛, 甚至係威脅我去脫 暗示唔脫既話就要分手 , 我真係唔明, 乜女仔有毛好大件事咩?
洗唔洗抗拒成咁? 我都冇嫌佢有毛啦

http://www.discuss.com.hk/viewthread.php?tid=25217506