同條女拍左五年拖，感情一直時淡時濃，我以為係正常，只要捱過呢關就可以結婚，但感情真係可以轉變得好快，一個月前佢突然話冇哂feel，想分手，我接受唔到呢個理由，咩野冇feel姐？feel咪姐係建立係條件上面！我叫佢老實答我，係咪嫌我太窮冇錢，又生得唔靚仔，所以先飛我！？

點知佢呃左一聲，話唔係，佢話接受唔到我好多野，太大男人，唔注意衛生，個口又臭，數極都有，最後我話算啦分手咪分手囉！最多搵過件，果晚我就去左同班fd飲酒，一飲就過左一個月，尋日上facebook睇，一睇扯哂火，見到佢同另一條仔kiss既合照，想當初我同佢拍左半年先kiss，愈睇愈火，仲見到佢地in a relationship ，下面仲寫住一句：「忘記以前不快，盡享美好將來」，我即刻起哂條仔個底，見到佢facebook全部都係哂車哂錶，又成日去旅行，唔知做金融定會計咁，我真係勁嬲，乜Q野我大男人個口臭姐，全部都係藉口！根本係佢一直以黎騎牛搵馬，貪慕虛榮，而家搵到個荀盤咪飛我囉，五年感情！？啲女人當夢一場咋！

http://www.discuss.com.hk/viewthread.php?tid=25217249&extra;=&page=1