出道以來備受整容傳聞困擾的Angelababy，上星期四聽從北京法院建議接受整型鑑定，由專業整容醫生祁佐良判定並無進行整型手術的痕跡。不過，噚晚就有台灣整容醫生指Baby嘅X光相有疑點!

台灣專業整容醫生謝東穎本身係外科醫容專家，啱啱先遠赴韓國參加「2015韓國鼻整形大會」，噚晚佢喺blog提出疑點，指出Baby公開X光片中，鼻骨上有凸起物：「比起正常的鼻骨，似乎鼻背處多了一個棒狀物？」謝醫生亦都話冇整容嘅人，「右邊鼻骨下緣應該是平順的凹陷，但電腦斷層中顯示有一棒狀物凸起，這和常見的鼻骨似乎不同。」不過佢並冇指明Baby有整容，只係「質疑」：「Baby經紀公司發生錯誤？提供了不是本人的電腦斷層？」咁究竟係Baby公司搞錯，定係另有內情呢？
http://facepop.nextmedia.com/realtime/news/20151019/54330078