見到膠登有人同紅登一樣叫人為咗唔投泛民而投保皇黨 就忍唔住想打篇文出嚟
有啲長，唔想睇可以唔睇

首先，各位巴打唔係唔記得今次係雨革之後嘅第一次全民公投
基本上好容易比傳媒視為雨革之後嘅民意所向，亦係共匪打輿論戰嘅地方

一旦出現保皇黨大票數當選區議會，班土共實會攞嚟打輿論戰話市民普遍反對雨革，甚至係真普選
咩話？你話區議會係睇地區工作，唔好咁天真啦 班保皇輸就會話地區工作不足
但如果贏咗實會乘機加多腳話香港市民唔支找佔中，然後話泛民扼殺普選機會
你可以話依啲言論對你冇用，但佢地嘅目標唔係你，係港豬
班土共揸住區議會保皇黨大勝結果，港豬又信多十成

到時係懲罰到泛民，不過見住雨革後保皇黨大勝，泛民會醒？唔好玩啦，佢地只會因票數同輿論更趨溫和，本土激進唔洗預佢地
或者你會話，我對泛民己經冇希望，只支持本土　咁唔該你現實啲　獨立嘅本土派係區議會贏到嘅機會係近乎零
財力冇可能同保皇黨鬥，甚至比泛民都不餘（除非係鬼），仲要空降冇乜地區工作，贏到幾席都可以話係奇蹟

所以本土嘅目標係立法會，首先唔講超級區議會會唔會因為保皇黨大勝而失去議席
比土共打一打輿論戰，本土嘅支持度可能跌一跌
仲有因為保皇黨大勝而可以用嘅周街banner戰術，仲有蛇齋餅糉，同地區宣傳
又可能你會話，依啲嘢保皇黨之前都有做，邊有分別
但我只可講共匪喺雨革之後對香港嘅策略實會變，好可能會噁心咁「加大力度」去維穩射水喉
而保皇黨大勝就會成為契機比佢地乘勝追擊

睇到依度你或者會講，我對本土嘅支持堅定不屈，亦相信有足夠嘅市民支持送本土入立法會
但我想講其他泛民呢？真係送到1,2個本土甚至五區都有一個又點
你都要睇下關鍵少數去唔去到，我上面講過共匪對香港嘅策略實變，係唔知佢會加速定減慢速度
一旦佢加速挾民意通過23條，仲要破關鍵少數硬過政改
立法會有本土又有咩用

跟住實有膠登仔諗，幾好啊，香港淪陷，你班港豬仲唔醒

唔好玩啦[/size=6]
我對港豬已經徹底失望[/size=6]
佢地有份工就得，只要港共唔搞外勞輸入搞得太過火，佢地只會好似澳門豬一樣，23條跌落嚟當被冚
到時係仲有我地去抗爭，但人數有分別咩？100,1000比盡幾萬人跟住比黑警拉
跟住班港豬仲會喺電視機前指住我地鬧我地激進,然後香港玩完





我知成篇文係有啲滑坡謬誤，但見到膠登有人話投保皇黨，甚至想佢地贏就真係把幾火
拜託膠登仔唔好將自己嘅一票比共匪利用，一票都唔好
講真嗰句，我嗰區想含都含唔到
你真係唔鍾意泛民，對泛民失望咪唔好投或者投白票
但千祈千祈唔好投保皇黨，求下你地好唔好

btw, 我知道膠登少人,膠登仔做啲咩都冇乜可能影響到個區議會
但我真係唔想各位巴打做啲敵人會笑嘅事