第24部占士邦片《007：鬼影帝國》（Spectre），由英國男星丹尼爾基格（Daniel Craig）升格十倍瞓身再度飾演占士邦，剛舉行嘅倫敦首映場面星光熠熠，英國王室鼎力支持，當地仲派出150名警員維持秩序，吸引世界各地數百記者採訪。

據知今次全球首映共招待4千人先睹為快，由於英國已率先上映，所以各地媒體陸續有該片評分，而且評價頗高，令邦片迷更加期待。多間傳媒同埋電影網站對《鬼影帝國》嘅口碑，似乎更勝上集《新鐵金剛：智破天凶城》（Skyfall），除咗英國《每日郵報》、《泰晤士報》、《鏡報》同埋《衛報》都俾5粒星好評外，網站IMBd都以8.3分嘅評分超越前作。

另外，《鬼影帝國》已睇中強國市場，負責執導嘅金像導演森文迪斯（Sam Mendes）決定下月會拉隊到內地宣傳，同行仲有丹尼爾同埋邦女郎蕾雅詩端（Lea Seydoux）等出席北京首映禮，一於全力催谷中國票房，令新作有望成史上最賣座嘅占士邦電影。





http://hk.apple.nextmedia.com/enews/realtime/20151027/54360717