Marvel超級英雄漫畫原創人Stan Lee創做過唔少英雄人物：美國隊長、鐵甲奇俠等等，共同點就係全部都喺發行過漫畫書。不過今次同中國嘅電影公合作就有啲唔同，Stan Lee重新創造咗位英雄人物「虎影俠」，一聽個名就知幾咁內地化，當然唔少得嘅自然喺一名華藉嘅女主角，呢個責任就落咗喺李冰冰身上。

其實李冰冰之前已經喺第4集《變形金剛：殲滅世紀》都有唔少戲份，今次仲擔正做女主角，睇嚟佢同死敵范冰冰嘅惡鬥，李冰冰又再下一城。

而內地嘅中國基美影業亦都宣佈同Stan Lee合作嘅超級英雄電影《虎影俠》，李冰冰除咗做女主角之外，仲會擔任創意製片人。聽聞故事會由Stan Lee創作，呢部片會着重打造首位中國超級女英雄，唔知係咪即係可以徒手撕開日本兵嗰種。

據內地報導話因為東西方文化嘅差異，內地人對超級英雄嘅認知同理解同外國人唔係好同，所以《虎影俠》製片人高敬東就話，今次同Stan Lee嘅合作就喺要同世界接軌，真係聽落都熱血，佢話：「我們要把中國人對英雄的理解融入到西方人的超級英雄工業化概念裏去。我們邀請李冰冰主演《虎影俠》，是因為她各方面的條件都具備東方女俠的文化特徵，她之前出演的《變形金剛4》、《生化危機5》都得到了西方觀眾的認可。」

Stan Lee亦都喺報導中話對今次創作好興奮：「打造一位國際化的女性角色，這對於我來說是相當有趣的一個經歷。特別是有幸能創造首位中國超級女英雄，這真的很酷！這樣的創作是我從未有過的，我會盡情享受著創作過程中的每一個時刻。」 一向鍾意客串嘅Stan Lee今次又唔知會用乜嘢身份喺李冰冰部戲度出現。



http://hk.apple.nextmedia.com/enews/realtime/20151029/54367721