來自馬來西亞、現年25歲嘅林明禎，由普通素人變成網絡紅人，最後簽約台灣唱片公司成為歌手，台灣網民形容佢係「最完美女人」，高登巴打亦稱佢做「腹肌靚女」。

今日明禎仲首次為工作訪港，落機後更第一時間接受《蘋果》訪問，開心share佢平時操練馬甲線同保持體態嘅運動。

擁32E上圍、22吋纖腰嘅明禎，健美身形絕對係唔少女士嘅夢想，不過，佢提醒女士們健美一定要有恒心，唔好輕易放棄。明禎話：「其實只要勤力鍛煉，我覺得每個女孩子都可以的，好像我現在工作比之前忙很多，但仍然堅持每天抽時間做運動，不可以給自己藉口。」

明禎示範嘅幾個動作主要幫助修腹、修腿同hip位，佢表示：「女孩子身形需要有線條才好看，如果只是瘦，沒有線條穿衣服也不好看。」

對於被台灣網民稱為最完美的女人，明禎笑指係台灣網民誇張咗，又爆話0依家其實正努力增磅：「現在只有43kg，感覺身體有些部份還是太瘦了。」

問佢係咪好似香港女仔咁，食得好少？明禎笑住否認：「絕對不會喇，我常被大家笑我吃很多，我又很喜歡吃魚蛋，今晚會去旺角工作，同事已答應會買辣魚蛋給我吃。」








依我睇波咁多年既經驗
都幾肯定係假波
細腰大波果然只是夢