一直都想作故 既然依家得閒 又有靈感就作下
第一次作故 如果各位膠登仔發現有問題 歡迎指出

至於互動方面 每篇最尾都有選項 你用嗰個選項嘅英文回post就得
一日後截止 揀最多人選嗰個 冇人選我揀 不過我諗要隔幾日先出到新嘅




　　「明明情報話依度有妖魔，點解一隻都唔見？」

　　「可能比你啲氣勢嚇到唔敢走出嚟啊，拍檔。」

　　「認真啲，我地唔知班妖魔幾時冒出嚟。」

　　「你知我一向都唔認‥‥‥」語句未完，赫奕向後一揮他手握着的刀，插中了藏於黑暗之中的魔物。「終於出嚟啦 。」順勢一斬，魔物己分開兩半。

　　「要提高警覺喇，阿黑。」我雙手緊握着滅魔劍，準備劈向從四方八面的魔物。「睇嚟依班只係嘍囉，真正喺幕後操縱嘅仲匿埋喺某個角落。」

　　「喺博物館滅妖真係夠晒情調。」赫奕輕巧地舞動他手中的大刀，「拍檔，不如我地比賽數下今次邊個殺得班散妖多。」幾隻魔物毫無還擊之力地倒下。「唔好，數數會令我地分心，我地唔係精靈、矮人，只係普通人類。」藏於博物館的魔物很多，滅魔劍已經沾滿了魔物的血。

　　「關咩事呀‥‥‥」赫奕繼續揮動他的大刀，魔物的嗚呼聲不斷傳出。「你覺唔覺今次班散妖嘅數目有啲多，一間博物館有咁多妖，日頭唔係應該有普通人發現嘅咩？」向我們提供有魔物情報的，是一名夜班的保安員。

　　「 阿黑你講得啱，依班嘍囉應該只係被召喚出嚟消耗我地嘅體力。」我從斜咩袋中拿出一件法器。「阿黑，掩護我！魔界之妖不斷喚來，人間世界不得安寧，現將魔怪之血獻上，斷絕兩界交錯聯繫！」隨着魔物的血從滅魔劍劍鋒滴下到法器上，圍着我們的魔物背後均出現了類似黑洞的魔界傳送門，把魔物吸回去。

　　「拍檔你女友送比你嘅寶物，係唔係件件都要又長又譖嘅咒語先用到架？」看來赫奕剛剛在掩護我的時候花了不少氣力，現已累得不能舉起他那把大刀。「冇計，全部都係古代嘅法器，係要用依啲咒語。而且依家唔係鬆懈嘅時候，班嘍囉消失晒，個幕後黑手好快就會走出嚟。」

　　「唉，原本諗住今日可以輕輕鬆鬆咁搞掂。」赫奕閉上雙眼冥想，用自身的法力回覆體力，重新抬起大刀，「好啦好啦，快啲打埋個大佬就收‥‥‥」赫奕臉色一沉。「好強大嘅魔力，係唔係？」我問道。「大過依種魔力嘅妖怪我地都遇過啦，只係估唔到喺間普通嘅博物館都有啲咁強嘅妖怪。」赫奕握緊他的大刀，他那輕浮的態度已經被這股強大的魔力抹走了。而我亦環顧四周，以防那強大魔物突襲。

　　　‥‥‥出現了！

　　「阿黑，兩點鐘方向！係石板惡靈！」「睇嚟係間博物館求其搵到塊古老石板冇調查過就展覽，激嬲咗佢。」





眼前魔物並不客易對付，我應該怎麼做？

A.叫赫奕上前打，我作掩護
B.我上前打，叫赫奕作掩護
C.兩個一齊上前打
D.撤走，從長計議