隔離登有個 post 關於洪永城喺 IG 話要用更多暴力減少暴力，勇氣可嘉，好多人讚，好正常。
另一方面，又有人又鬧喺 FB IG 轉法國旗嘅人偽善左膠。
呢兩種取態表面一致，實際係自相矛盾。

定義：
有用 = 能夠抑制恐怖主義
冇用 = 不能抑制恐怖主義

「喺 FB IG 轉法國旗係左膠行為」嘅論點：
左膠行為 = 冇用
轉法國旗 = 冇用
所以轉法國旗 = 左膠行為

用返同一套邏輯：
左膠行為 = 冇用
洪永城擺張相、講句嘢 = 冇用
所以洪永城擺張相、講句嘢 = 左膠行為

洪永城擺張相、講句 = 表態
人哋將頭像轉做法國旗 = 表態
表態 = 冇用


點解同一樣嘢，可以有兩種取態？

隔離登勇武到連人哋表態都話係左膠，咁唔該佢哋去喪禮嘅時候記得屌鳩啲家屬，人哋生日嗰陣記得屌鳩人「你生日關我撚事」、「人哋生日關你撚事」，因為喪禮、生日完全冇用。
當一個人冇能力上戰場、但又想支持下法國人，轉法國旗有咩過錯？

如果一個人反恐，而且擁有強大武器，可以殲敵於千里之外，但只係轉下頭像、「表示深切慰問」就算，呢啲先係左膠行為。
但一個手無寸鐵嘅人，又喺千里之外，請問佢可以點樣反恐？佢同一個手無搏雞之力嘅細路仔有乜分別？
有能力而唔做係左膠，但冇能力而做啲冇用嘢、精神上支持，一啲過錯都冇，因為手無寸鐵嘅人只可以做到呢啲嘢。

可笑嘅係，隔離登有啲人真係當自己有槍有核彈，將自己擺喺「全能神」、「萬能俠」嘅角度睇嘢，跟住就認為所有人都係「全能神」。成日話人離地，但「我係全能神」、「所有人都係萬能俠」呢啲觀點一樣離地，真係自相矛盾。

「有能力但做冇用嘢」先係左膠，而「冇能力所以做冇用嘢」完全合乎邏輯，係因果關係，「果」唔通可以脫離「因」？
如果冇用 = 左膠，咁喺鍵盤前鬧人左膠，就可以反恐？
如果隔離登有人咁把炮，有飛機大炮，唔該做啲應該做嘅嘢先啦。