話說女朋友今日唔舒服
佢父母又去咗旅行
咁我就上佢屋企照顧佢

BBG食完藥要訓啦
我就打算叫佢5歲既細佬細聲D個電視既音量
原來佢睇緊discovery channel,仲要講灰熊冬眠
佢問我點解灰熊要冬眠既
我就HEA佢話:「隻熊仔咁攰緊係要瞓吓啦,你姐姐都好攰,細聲個電視,唔好嘈住你姐姐瞓啦 」
之後佢眉頭一皺唔出聲
我心諗,我隻BBG比你嘈住仲洗瞓既
於是我就加多句:「如果你再唔細聲個電視,你姐姐就會好似隻熊出黎咬你架啦」
條仆街仔聽完我句野就大聲咁嘩左一聲,個表情仲要好似哥倫布寫好份進化論咁
佢話:「我終於知點解喺垃圾會入面冇人會叫醒黃定光議員,只係影佢相啦,原來叫醒佢之後會比人咬架!」
佢再問:「哥哥呀,如果隻灰熊都做到議員,咁我地屋企隻4腳晴晴做唔做到佢個位架 」
我紅都面哂,心諗,好知唔FAKE個仆街仔啦

依個時候,半睡半醒既BBG起身去左間房門口
佢個樣好唔耐煩咁叫我唔好阻住細佬睇電視,話閉門隔音就得啦,仲叫我入去陪佢訓
我拒絕佢話仲要幫佢睇住細佬,叫佢有咩需要就叫我
佢好似有D失落咁關門
關到一半,佢好似醒起D野
之後對住個仆街仔講:「進化論唔係哥倫布發現架,你今晚唔搵到個正確答案唔好同我食飯!」

個仆街仔聽到之後眼濕濕,好似知佢自己得罪我BBG啦
正當我打算安慰個仆街仔時
佢心有不忿咁責難我話:「最衰都係你啦,我依家有SUNNY陪我,洗鬼你睇呀! 」

依家諗返,我係咪真係攞嚟賤


[#fac3d9]以上內容純屬虛構 如有雷同純屬巧合,本人為A0真毒[/#fac3d9][/size=1]