我有我的哀悼方式：即乘法航飛巴黎，入聖母院點燭。

欣聞總統奧朗德宣示戰爭，行動昇級，包括「任何人涉恐怖活動經法庭定罪即可剝奪法國籍」，暗示恐怖份子來自新移民。因為如果三十歲的阿倫狄龍做咗恐怖份子，佢五代天生就是法國人，你點剝奪佢法國籍呢？剝奪佢 D 衫褲就得，全球婦女尖叫爭觀！

為什麼要等法庭定罪？戰爭就是要加强行政大權，應該立緊急法例，只要有合理懷疑，就可以拘捕或遞解該名假難民或「移民」出境。

咁會不會「濫權」？第二次世界大戰，邱吉爾玩晒，幾時聽到說英國的最高法院也是英雄？所以，法國總統都係未夠硬淨。

因為法國喎，品格、修養、文明，值得信賴，濫權少少又如何？因為個總統係法國人奧蘭德，天生優越，唔係中國人 689。

咁係咪「種族主義」呀？有少少啦，正如中國人如果有得揀，個個都唔信 Made in China 喇。如果唔係，巴黎春天百貨又點會迫爆？