片：http://nextplus.nextmedia.com/news/latest/20151119/301769



強國有部分地方嘅結婚陋習，真係令人無法接受。近日網上流傳一段大陸玩伴娘嘅短片，近10名強國男子圍住一名年輕長髮女子叫囂，更有數人輪流將手伸入女子胸脯大摸特摸，即使女子一臉不情願，而且出聲阻止惡行，成班男人仍然玩得好起勁。

據悉，片中係「鬧新婚」鬧得最勁嘅山東，當地老一輩流傳全住「不鬧不吉利．嘅講法，但係當地部分人有恃無恐，越玩越過份、不文。好似片中，女事主只係伴娘，但因為傳統上要幫新娘「擋駕」，結果俾成班男人圍住摸，對手伸到勁入。一個未摸完，另一個人又伸手入衫「接力」。伴娘掹都掹唔切對方嘅魔掌。

近10年，大陸多處被揭發玩新娘、伴娘惡行，包括摸女方胸、下體、剝光豬；逼女方摸新郎或兄弟下體；更甚者會強姦對方；2013年，山東泰山區有一名16歲少女做伴娘，結果慘遭4名兄弟以「玩伴娘」為名強姦，少女一度憤而自殺，即使救番，亦留下不可磨滅嘅陰影。