傘兵成功的要訣就係朋友幫朋友, 然後朋友就在選舉幫返你. 大家咁高咁帶, 以朋輩身份出現, 所以師奶都無問題. 成件事好似返去70年代獅子山下式互助式人人為我, 我為人人的社會形態. 二十一世紀的香港講人人為我係太膠的講法. 物質同精神條件不允許, 但至少係現代化下公民社會互動, 又加返上少人性. 市民信係自己友, 政客就永遠係外人他者而非我者. 傘兵就係街坊的我者.

林忌: //唔通在橫額話要爭取加你稅做全民退保，然後以為市民會因此而投你咩？或者有，特例、對方太乞人憎或者冇人睇到囉—因此，你而家明點解素人得票隨時更高啦，眼前問題都唔理，走去理退休？//

所以, 講到底就係口感. 口感呀, 知唔知咩黎呀? 社民連左膠, 熱狗同扮國師我係高人指點天下之類既本土派仆直就係依個原因. 社民連行出黎就係政客feel, 話比人聽政棍, 搞政治. 根本唔關佔領事, 唔關政治立場事. 個d學者分析唔到, 變政治討論, 一來因為佢唔係普通市民, 二來利益原因. 只有普通市民(傘兵)先明普通市民的感受同喜悲, 政棍比人感覺永遠只係利用你, 而唔係好似傘兵個種鄉鄰鄉里feel.

未必關懷舊, 懷念英國個d本土歸英式思想. 完全無關政治同中國事. 只關人性. 政客做到滑牙晒就會無人性. 又或者由決定做政客一刻就唔能夠有.

dab一樣架, 以為高學歷, 年青, 專業, 再加搞少少成功爭取式的地區議題就贏. 完全錯左. 至少舊模式將會完全開始唔work. 傘兵係因為個種口感, 無關政治解讀.

成件事好港版半澤直樹, 但又未完全至於.

傘兵仲守唔守得到, 會否成為區選新常感, 就要似乎多個因素. 希望傘兵唔會變政客化, 雖然都有困難. 但事實上傘兵早就出現. 葉國興就係親建制版的傘兵, 不過唔會叫傘兵咁解.

如果西環同dab堅持咁政治化解讀, 以為關佔領本身同政治立場將會搞錯晒. 雖然又真係傘兵因佔領而起. 但傘兵同政治成份關係較稀, 只能咁講.