http://hkm.appledaily.com/detail.php?issue=20151127&guid=54476664&category_guid=7018882&category=instant
陳淨心自詡愛國，然後周圍話人唔愛國。簡單而言，佢話你係，你就係；佢話你唔係，你就唔係。標準任佢定，邏輯唔講，但偏偏一班玻璃心網民紛紛附和，勇武謾罵，上街挑機，學黃秋生所言，「你唔報道佢，佢所有嘅行為都唔理佢，咁就最好喇。你唔去報道點會搞到件事情咁惡劣啫？」

秋生說不應該花時間篇幅講「女流氓」，但此刻怒上心頭，秋生還是忿忿不平:「好明顯一樣嘢，佢唔係為咗愛國0架嘛，佢唔係為咗香港㗎嘛，佢係為咗搞亂香港嘛，呢啲叫違反國策！」

何出此言？秋生續道:「香港O依家係咪需要穩定和諧呀？你咁樣不停挑釁，挑事，咁點樣和諧呀大家？咁佢係咪得到佢嘅利益呀？你交個人出嚟(指盧凱彤)，你邀乜嘢功啫？你交黃之鋒出嚟呀嘛你咁叻！你交黃毓民、長毛(梁國雄)出嚟吖嘛你咁叻!你又交唔到，你交埋晒啲唔係嘅。」

秋生代入陳淨心女士的神邏輯，如:「我(指陳淨心)係中國人，你唔鍾意我即係等於唔鍾意全中國人」，歎為觀止。秋生謂:「佢直頭將成件事……你睇佢自己個微博，佢將成件事上綱上線扣帽子，『你港獨即係反黨你反黨即係賣國！』嘩，講到上火星咁滯。唔鍾意佢就等如唔鍾意全中國人咁上下囉，係咪呀？將啲概念完全係溝換晒。」

最重要，最重錘，係呢句:「『港獨』係乜嘢佢都未知，邊個第一個提出佢都唔知，亂咁噏0架呢條友!」