下面我用「」代表個阿嬸：

：「細佬，有冇興趣認識耶和華呀？依到有啲傳單。」

佢講完之後比咗份傳單我，份傳單上面寫住「來自上帝的好消息」，咁我就緊係唔好意思唔拎啦

佢仲話自己有其他傳單，問我有冇興趣，我講咗句「唔洗啦，唔該」之後，跟住落黎我一句都冇出過聲


：「因為審判好快黎架啦！所以依啲野要好急咁話比人知！」

之後仲叫我去參與佢啲活動，喺唔知咩球場定運動場搞

然後又講起咩伊斯蘭教，話佢地殺人放火、娶好多個老婆、又成日強姦啲女人，仲話佢地之前唔會做依啲野點點點

跟住仲話我後生，仲未見過世面
再之後佢仲講自己以前啲野，話見過條友正正經經，原來周圍非禮同強姦女人

最後又講返佢個耶和華，叫我要認識神之類，好彩佢之後好快就落咗車

佢完全冇考慮過我有冇興趣聽，係咁講冇停過

其實個阿嬸真係好犀利，上小巴一坐低，就同隔離唔識嘅人傳道，單方面咁講野

唉，點解我成日都咁黑仔架！無端端都可以遇到啲咁嘅人

sorly for 1999