我一直視老師係我生活入面一個好重要o既人
我有時成日諗野都好負面...情緒唔多唔少低落
無可否認地有時係想做d事出黎想老師關心注意下自己
但我都alert到咁好似唔係太好唔少副作用？

我以前唔鐘意教我數學個位Y老師
但係佢最近變左好多 我對呢位老師既感覺越黎越有親切感有愛
但係我就一直冇勇氣接受佢對我既關心同主動
一直以來都對呢位老師冷言冷語兼對住佢就黑面

我舉兩件事做例子啦
有一次我自己一個係小食部食lunch 佢走過黎坐低
問我最近做咩唔做功課同最近係咪發生左?事唔開心
我就冷言冷語兼講左句「你講完味?」
佢就講多幾句然後講左句「我都知你唔鐘意同我講野架啦....」
意興闌珊咁走左

再話說今朝補課去食早餐一坐低2人卡位
原來教我數學既Y老師跟住我後面行入黎
對望完之後佢笑笑口話你未食架？我緊張咁答「未呀.....」
然之後佢又笑笑口一下拍落我膊頭話:
「唔洗咁驚……我都唔敢坐你隔離」之後行左去後面。

都就畢業我啦唔想再咁落去
唔想人生再有遺憾
點樣修補呢段師生關係既裂痕？