有單嘢係關於我朋友嘅,我同佢係中學同學,佢係有啲自閉咁嘅,不過就好醒目成日一出聲就可以收我嗲咁......
我出嚟碌咗幾年,同佢都有保持聯絡,到佢大學畢業,就同佢出嚟租屋住,記得間屋好細同逼,瞓醒起身就見到洗手盤,
加上條友部電腦好鬼大部,因為有幾舊唔知係乜嘅嘢,好阻"訂".
我知佢用呢部嘢搵食,所以由得佢啦.咁單嘢就係咁嘅,原來佢係早期掘比特幣嗰堆,
但佢唔係靠呢樣搵食,佢話上網接啲單同人解啲電腦嘢嘅,掘比特幣係純興趣,
所以成日都見到佢屈響房,咁我就擔心電費啦,所以同佢攤牌,好在電費佢都肯畀大份啲.
如是者大家住咗成年到,但之後有一排佢成日喺半夜叫醒我,叫我望住個屏幕同我講響電腦搵到啲乜春,
但呢啲時候通常我只會諗起酒樓點心部個阿姐,成日用同一盆洗手之後又整其他點心,仲要我用埋同一盆水洗,好撚污糟....
返番嚟嗰條友度,打後過咗兩個幾月佢就問我借錢,借咗幾皮買咗嚿電腦嘢,之後仲買咗幾部,今次唔係我啲錢,因為佢仲未清我畢數......
總之仲係得閑就半夜摷醒我叫我望住個屏幕同我鳩噏,同時又諗起公司啲濕鳩嘢,幾乎次次都想發佢火,但係又無精神,又諗住快啲瞓番好過.
有日放假留喺間豆潤屋度,睇佢搞乜,見佢睇住一堆英文,數字我已經想落7仔食杯面) 佢就同我搭嗲話Download緊啲好大嘅嘢,砌埋會好撚勁,好似人咁,咁撚勁)
我喺嗰刻好天真咁以為佢做緊件大事,會有帶挈,之後有日佢連電腦,行李,我啲私己錢一炮過攞走埋,報撚咗警,佢老豆老母都見埋,但人財都搵唔返,打後又有佢啲MK嘅債仔,帶CAP帽嘅債仔,逐個叫我唔好玩嘢,還錢....
最我都搬返去同屋企人住.唔知啦,可能佢真係搵到啲咩嘢,又或者無聲狗咬死人,佈咗咁耐天仙局畀我踩,算教精我啦