以前，我唔響往識好多朋友，因為我覺得識一個岩傾既人就夠，但每逢過時過節既時候，我總會係一個人，因為個個人往往會同佢另一班朋友玩
然後我就開始係到諗，我係咪應該都要學佢搵番多啲朋友，咁當佢同另一班朋友玩個陣我都可以搵另一班朋友，起碼唔洗一條友過
個陣時我開始識多咗人，就算唔岩傾都格硬傾落去。
個陣時中學雖然識到一堆人，而家都會間唔中打下LOL，但佢地係咪都係同我咁FD?
我唔敢講係咪，但佢地比我既感覺就係就算我肯約佢地玩，佢地都未必會應機。應該咁講，我係佢地心目中根本唔算得啲咩
到而家ASSO， 令我更加迷惘，仲記得開學個陣時，我希望有咁多人識咁多人，因為我想逼自己外向啲，廣闊大個社交圈子，個陣時我係覺得識得多人好正好威，所以個時對ASSO班友都會笑面迎人，但係過到大概一個月，我就覺得自己硬係同佢地格格不入，我個時係到諗: 呢班人唔應該係我個圈子入面，比著我以前一定唔會識呢班人，所以我就開始孤立自己，亦都唔再成日笑笑口咁，同時係個刻我個得自己好嘔心，好虛偽，竟然可以為咗識多啲人而放棄自己既信念
但有時我又會係到諗，咁做其實係咪真係咁差呢? 我好迷惘

利申:可能講得一舊舊，就當我係到開垃圾POST發洩啦