menclub
http://menclub.hk/mobile/article/article.php?cat=gags&aid=4668

美乳之條件 《奶的說明書》

日本人真係好鍾意研究胸部，繼尋日講日本出咗本《巨乳調查本》之外，原來日本都有網站整理出《奶的說明書》，話畀你知關於胸部的二三事。



先嚟講吓乳房嘅構造，原來乳房係由90%脂肪+10%乳腺組成，所以有時個人肥咗或者瘦咗，都會影響乳房嘅大小。


而胸部一般又可以分為「扁平型」、「圓錐型」、「半球型」、「水滴型」、「下垂型」五大類別，根據《奶的說明書》嘅「美學觀點」而言，普遍男士都認為「水滴型」同埋「半球型」嘅乳房嘅外形較為理想。
特別係「水滴型」嘅乳房，因為佢底面積適中、側面自然高度又夠高，乳頭以上嘅胸部面積大約佔全體45%，乳頭以下又較為飽滿，大約佔總面積55%，所以乳房整體上嘅視覺效果都係微微向上挺，被認為係最難得嘅夢幻胸型。


除咗乳房外觀形狀之外，原來乳房各個部位嘅比例都有學問。一個靚嘅胸部，兩個乳頭間距應該要喺10-12cm之間，乳房自然向外微傾，乳頭微微向上挺、厚0.8-1cm就最為理想。
而乳暈大小最好唔超過1蚊硬幣，同乳房皮膚有明顯嘅顏色分界線就最好。同時標準乳頭應該突出，唔好內陷，大小大約係乳暈直徑嘅1/3。
就全身比例而言，女性完美胸圍大小同身高嘅比例應該係：身高×0.53。
根據呢個標準嚟計算「胸圍÷身高（cm）」，就會得到以下數據：
≤0.49胸圍太小
＝（0.5-0.53） 標準
≥0.53 美觀
＞0.6胸圍過大
如何？巴打們係咪即刻對胸部了解多咗？