小心陳雲大師搵雷公劈你個ser

我支持獨立

自治咪同依家一樣

我晌fb Tab 咗陳雲

冇迷雲黨敢回應 、陳雲亦冇回應

利申 ：fb三千幾個fd ,陳雲一定知我鏟佢

Facebook留言 2011年10月26日

中國的出路，必須在協助亞洲解放之上。不是獨善其身。亞洲之解放，也是日本人想做的，可惜他們氣魄不夠，私心太重。日後要中、日一起來做。

中華邦聯的構思，其實是海洋中華與大陸中華的結合，是個大中華的理念。海洋中華是香港、台灣、日本、韓國、南洋諸國。大陸中華就是中國本土。
***********
陳雲其實係一個好誇張既大中國主義者
一般大陸憤青最多都係保存大陸本土反美
而佢係聯合日本反美
陳雲只不過係利用香港幫中共完成反美大業既棋
好多以為陳雲反共自治既天真迷雲黨
跟本就冇了解陳雲賣港協共既一面

中共支持中華邦聯理念嗎？佢係向中共獻計呀，佢覺得要打倒美國必需用中華邦聯，呢個邦聯甚至包埋日本韓國！
點解城邦論講明唔反共，甚至唔支援中國民主化，就係要留條線向共產黨獻媚呀 ?

當陳雲及其迷雲黨 通街扣人大中國主義者╱投共帽子
其實真係笑甚麼？陳雲本身就是大中國主義者!

香港可成為中華區的瑞士，有整全的自然生態、文化認同和經濟體系（農、工、商、金融），發揮外交政治中立的作用，也不干預中國內政，成為中國的安全港（safe haven）與思想文化保存所（cultural sanctuary），牽引中國走向文化復興、社會共融和憲政共和。這是香港和中國的安全出路，甚至可以說是#唯一生路#。中國在滿清之後，無法擺脫外國宰制：日本、蘇聯、美國；中華邦聯之構思，乃中華大政，是中共（中國）掙脫美國韁繩、重獲尊嚴的方法，除非中共主動佈置，否則不會成功，美國也不樂意見到中華邦聯成立。
***********

陳雲大中國主義既程度，甚至去到係唯一生路既地步.......
其實中國並唔需要一統東亞，特別係極權統治下的中國本土，中國本土一天獨裁，周邊國家地區一天都唔可以協同呢個腐敗政權壓迫人民!
陳雲最衰既地方，就係冇張中國本土民主化/結束中共專政看成中國城邦既前提。
甚至鼓勵香港自治，協同共黨抗美，我覺得佢真係一個十足十既民族主義者

陳雲同自己設左兩道防線
1.反對推翻中共,主張維持中共統治,佢覺得咁對香港有利(其實真係睇唔出有乜利,我倒覺得佢係曲線投共)，大家可以留意下，佢可以罵共產黨，罵中共人，但從來不敢明言推翻中共，連支持中國民主化都係反對。
2.用現實政治做掩飾，當佢做一d親共既行為，佢就會際出現實政治既大旗。

大中國主義者唔一定係中共無間道，但陳雲係好可疑，因為佢反對推翻中共，反對中國民主化。
呢個同民主派/海外民運 既大中國主義好唔同。
就算唔係無間，最起碼都係渴求中共佢既計，想幫中共持續統治。

支持一個人既想法，起碼要講下支持佢d乜
好多陳雲既所謂迷雲黨 根本就唔了解佢套野。

推

到有迷雲黨入黎未呀?

如果陳雲係話策略性唔推翻中共，咁應該要一早講清楚，而家冇條件推翻，如果有條件就會支持樂觀其成。
例如國民黨唔再反攻大陸，但都唔會承認中共合法性。
但係如果真係用心睇城邦論，就會發覺佢唔係咁，佢係真係唔想中共被推翻，更害怕中國民主收回香港"特權"(我唔認同香港有乜特權)
佢既論點係，中共被推翻中國有民主，香港可能會變得更差
就係呢一種可能性，就寧願斬腳趾避沙蟲
咁就跌入建制派/五毛既民主有害論邏輯

最慘係，用現實政治黎合理化自己既論述，冇講清楚背後既目的
香港自治，並非陳雲套野既目的
中港互利，保存中共，大中國邦聯先係陳雲套野既終極目標。

維持中共統治既一國兩制，香港地產金融霸權就可以繼續在香港橫行，佢地係靠做中共買辦而維持生存。
而陳雲不但唔反對同中共合流促進資本主義，反而好贊成，佢覺得咁係互利。
但係我想講，係有錢佬有利，唔係我地d蟻民。
中共下既一國兩制，永遠都係假自治。
話大陸人樂於俾中共統治，我只可以話真係走火入魔，而家大陸日日有暴動，日日有罷工，真係唔知點解會咁講，你話香港人樂於俾中共統治，可能性仲會大d。

中華當然不等於中共
真正中華應該排除中共添
但陳雲既中華邦聯係以中共做宗主國
呢個正係問題所在

陳雲既講法係中華邦聯係要中共主動布局(睇下之前既引文)
將中華邦聯希望押在中共自我改良而非中國人民革命民主化
寫到出晒面

陳雲係一個大中國主義者，主張中共在中國本土統治，周邊國家同佢協作成邦聯對抗美國，香港自治係協助呢個進程，呢個係佢真實主張。

香港優先，梗係冇錯架，但係反對中國民主化，令中共暴政長存，甚至協助佢向外輸出資本，冇錯對香港係有利可圖，後果係香港永遠臣服中共黨國。

無可否認 、陳雲條撚樣好多時都有合乎本土利益嘅道理

但係一走向自治城邦論 、就完全變成投降主義