首先 好多謝到呢一刻都仲有幫我出聲 信我支持我既朋友 我唸事到如今我點都要解釋一下交代下
張嘉進先生係我7月係某間cafe個到識既，當時因為有影過合照所以就有交換whatsapp電話 方便我send番相比佢 當時覺得佢人不錯，交得過朋友 所以我有同佢傾計講心事等等 直到我返第二間cafe，佢做出令我反感既野之前 我都覺得佢無問題
當初我為左想留係香港，我媽媽就提出要求 話我要交6000蚊每個月就可以留係香港
咁雖然我係有存款 唔代表唔洗有收入掛？唔通有出無入？咁我未係fb公開話想搵工。唔通我有好多存款就代表可以做廢青唔做野？
當時我知道張嘉進先生係好心 為左減輕我負擔 所以就比左三萬蚊我。 呢層我要多謝你。
1）個三萬蚊唔係我借 / 唔係我開口叫張嘉進先生比我既，當時係我係一間新上班既cafe當值完 佢無啦啦比左個白色既信封比我 話比我 番到屋企先睇 點解我唔即刻拆開黎睇呢？係因為我覺得既然客人叫我返到屋企先拆 咁我離開左先拆係對客人既尊重掛？
當時因為張先生同我影過好多合照 （cafe有提供同客人影相，30蚊一次）咁我以為係即影即有 所以就收左 但上到小巴之後 我同我朋友拆開黎睇 先發現係三疊五百蚊紙 但無奈我已經上左車 個陣已經凌晨12點幾 無得即刻比番佢 當時我已經即刻whatsapp張先生話我受唔起等等 話我唔會用 佢就話佢比我用黎交家用 話佢發惡夢見到我接影相比人殺左 叫我當比佢買個安心 keep住先
之後我再番工既時候見到佢 我都有同佢講話比番佢 佢一樣係話唔洗 之後我就唸 既然佢唔收我就拎去入左去先啦 拎住咁大舊錢唔安全 （我承認呢一點係我處理得唔好，我應該一早拎去警察到又好捐左去都好） 但我同佢講過我唔會用 佢就同我講 用曬未同佢講 佢再比我
但我堅持無用過 亦都無問佢要更多既錢
到之後佢做出好多令我反感既事情，例如：
1）我地cafe有生寫活動，佢就用錢抽好多生寫，為求抽到我個d 但佢抽到其他人既時候就話唔要，仲同我講話見到其他人既相會訓唔著。我當時就同佢講：你唔好咁啦，你咁樣幫我拉仇恨架咋
2）有時候我同其他客人傾計，包括我現實生活中既朋友上黎搵我 我就忽略左佢 結果佢就話佢嬲 要趁我放工既時候同我影一百張相。 結果就係我OT 好夜先番到屋企，咁我就曾經問佢點解要咁做 佢就話要虐待我，虐待我係佢既樂趣 因為我無視佢所以要用呢個方法黎懲罰我。咁我當時就唸 竟然佢鍾意睇我唔開心，咁我就換個方法同佢講：其實同你影相我好開心 但可唔可以下次早d 因為我有門禁。
3）當時我同個陣既男友未分手既時候 佢都有見過我男友，見完之後佢好多次都係whatsapp同我講我應該要同呢個男仔分開 咁呢層我緊係知 佢係講得無錯，但當時我咁愛個個男仔 我又點會聽得入耳呢？佢就係我面前講好多難聽既說話 包括話呢個男仔係廢青 又點又點 我當時聽到緊係嬲 就衝左入廚房 當我出番黎既時候佢就已經走左
4）當我真係同個位男仔分手之後 我心情好低落 我試過係cafe到喊 個陣張先生就係我差唔多放工既時候whatsapp我 叫我放工之後同佢去網吧打機散心 我當時就拒絕，用左好多個理由：包括我無心情，唔想去，老細唔比，唔可以同cafe客人出街私聯等等 但佢都唔罷休 話我無當佢係朋友 話我可以同其他朋友出街，但就唔同佢出街 但講真我個刻完全無心情 唔想去 就同佢講不如下次去其他地方啦呢個理由拒絕左佢
5）張先生口口聲聲話當我朋友 但當我拒絕同佢出去等等既時候 張先生竟然質疑我 話我係扮喊 扮可憐 仲話我同對自己唔好既男仔一齊係為左扮可憐 當時我就好嬲 話咩都比番曬你之後放過我啦 當時佢係叫我原諒佢 叫我唔洗還 等等
6）但過左一日佢再話我戲差，話d妹妹扮可憐都識?手，而我扮喊都好假
再講左好多好難聽既說話。之後就叫我還比佢 咁個陣我就覺得好嬲 就覺得 反正我都無用過 我寧願拎去捐左佢都唔想比番你啊
你口口聲聲話為幫我而比我 不求回報？之後有係咁叫我用d錢 我想問我如果真係用左咁可以點還？ 咁其實你當初係有咩居心？不過我承諾過我唔會用 就一蚊都無用過
我知成件事係我處理得唔好 解釋d乜都無用 我只可以保證我係無用過d錢，亦從來無需要 無打算要用 呢一層我認錯，對唔住。
補充：
1）個d話我用左d錢去台灣逍遙快活 「搵男朋友」既人 不如你地拎出證據證明我唔係用自己錢先講？你地有咩證據證明我唔係用自己錢？
我以前拍拖咁多次 我有邊次係用男朋友錢？
我連個MK袋都係我自己錢買架 只係我當時送左個好貴既音響比當時既男朋友做生日禮物，佢要面叫我扮係佢送架咋！
2）冰嵐小姐，妳話我d「兵仔」去嘈妳，我想講係妳自己犯眾憎 咁岩我當時既男友+佢d朋友都唔鍾意妳，打場lol都會咁唔好彩遇到妳係對面 所以佢地自己先嘈妳咋 個場lol我又唔在場 妳自己犯眾憎請問關我咩事？
3）加拿大個件事 其實我仲有我地當時既對話截圖 好記得一句就係佢媽媽話：「因為我媽媽覺得妳只係一個租客 所以希望妳留係自己房」到呢一刻妳要再講d咩隨便妳，反正事實真相就得我同妳先知 妳鍾意講咩就講咩 反正我又睇唔到，唔會反駁d咩
4）冰霧音妳呢個人真係好煩 好似咩都關妳事咁 但我唸唔到有咩可以鬧妳 花生就黎絕種喇 妳要食食多d啊
最後 我話左7日內就係7日內入
點解既然無用過又唔可以一次過入曬呢？其實係因為我係海外戶口黎，所以有提款限額。
我已經入左一萬比張嘉進先生
至於我係點入 其實你地理得我點入？我入到就得啦？
再嘈我將餘數捐去紅十字會又好 其他地方都好都唔比返你 我會影相證明我真係有捐冇袋落袋
你話我反口又好咩都好 你真係好煩 一開始我就無打算用 我唔即刻比番你係我處理得唔好係我唔岩我承認，只係你太煩我唔忿氣寧願捐左佢都唔想比番你啊
再嘈我就拎去捐左佢 我話既
另外 我相機當時係有叫過佢唔好買 但佢最後話已經買左 所以我當時就收下左 但我已經還番比佢
都係個句 多謝每位幫我出聲既朋友 累你地比人鬧埋一份 好多謝有你地 呢件事發生後我睇清楚好多人 最感激都係我一班朋友 多謝你地相信我