點解膠紙無人睇?

一，宣傳不足。
只利用膠登／FB作宣傳，但膠登人數少，FB客群又依賴翻膠登仔，所以讀者數量不升反跌。
有人提議過出錢印實紙，但結論係時機未夠成熟。所以一直停留係膠登人做，膠登人睇既困局。

二，吸引力低。
人地要睇搞笑既，100毛唔好？人地要睇文藝既，字花唔好？點解人地要睇膠紙？
獨特性不足，方向唔明確，而且太過嚼字發揮，主題唔夠鮮明。如果真係要做，就做死一個方向，唔好搞多元，因為搞唔起。

從中我地可以得知，膠紙既發展一直走下坡，當中有好多好多因素，例如小弟拖文、稿量不足、稿量足既時候又唔夠位出、又或者係編輯部覺得質素太低等等。
但點解膠紙既人會做到燥哂底？

我覺得主要既問題係在於自視過高。

一，人地唔係事必要睇。
網上雜誌好現實，你做得唔好睇，人地就唔會特登用時間去睇。
但問題嚟啦喎，如果你係做得好睇，但人地又唔睇，咁咪係宣傳出問題囉。
相反，如果你做得唔夠好睇，但又叫人地去睇，就好易出反效果。

二，要求高質，但源取膠登。
你要海納百川，又想膠紙好睇，但偏偏兩者係膠登既情況上嚟講就係一件不可能共存既事。
要好睇，就一定要揀過度過，一開頭就唔應該選擇幫小毒西改文嚟出。
睇翻罪言，點解人地搞得起？因為人地有guts拒絕，有一套固定方針去審稿。
不單係審閱來稿既質素，更要考慮主題是否配合，立埸是否符合刊物等，罪言既成功唔係無道理。

當膠紙唔好睇，而膠紙既人又覺得自己好好睇，而，更重要既係當膠紙無公關既時候，就變成最後既局面。
而呢個局面，除左花生友之外我相信係無人樂見既。

發展方向、稿源、審稿機制、公關等等，都係一本合格網上刊物既必要元素。
由其是係無稿費既時候，就要更加小心刊物同埋投稿人既關係啦。

小弟希望上文有助第三屆膠紙團隊發展，同時亦在此祝貴刊蒸蒸日上。