首先，呢個只係我主觀觀感，唔好要我搵evidence，要我prove，要我argue

主觀觀感可以係錯既，但係如果有呢個觀感既人唔只得我一個，咁或者我就錯唔晒

如題所講，我覺得ice呢家似乎已經唔想再理膠登現有既問題，只係集中火力去做revamp

但站係一個會員角度去睇，呢一刻既膠登對我來講先係真際既存在

revamp之後係點？revamp幾時完成？係唔係真係有人處理緊revamp？定還是revamp只係一個口號、一圈煙霧？

無人知！

因為成件revamp計劃都係唔公開、唔透明、唔知情。

套用一個職場經驗，就係你呢家份工辛苦到仆街，一個人做三個人既工作量，之後公司同你講忍多陣啦，遲Ｄ會升你職啦、遲Ｄ會請人幫你啦

遲Ｄ即係幾時？又會唔會真係兌現？

無人知！

退一百萬步來講，當revamp真係「按步就班」咁準備中，係某年某月某日真係會完成

咁又點？

係唔係膠登就會突然反彈躍身成為香港其中一個獨當一面既論壇？

唔會！

因為你改善左既只係User Interface (非IT人用語未必準確)

但呢D只係最表面個一層野，難聽D講句，呢D只係基本野，係一早應該ready

一個forum要成功，一個能夠可靠運行同埋方便到用家既設計係一個好大既幫助

但唔係最重要！

[#fa2f3d]我可以好肯定同你講，會員先係膠登最重要既資產[/#fa2f3d]

無人出Post，無人回Post，無人討論，無人參與，無人有歸屬感，你個forum整到幾靚，你套版規幾民主健全都好

一切都係無意思！

講左兩年幾，今日膠登連自己個定位都搞唔好，係咪下下期望會員自發呢？

係咪admin就唔可以自己有D遠大既plan之後去嘗試lead下呢？

或者你真係用左好多私人時間放係膠登，但係你始終畀唔到人一種可靠同重視會員既感覺

早兩日30日外既post全部被鎖

你當時無作出任何交代，一眾會員都完全唔知道發生緊咩事

事後，你只係講左一句整好左啦，thanks

thanks你老母咩 (對唔住....我果刻真係爆左呢句)

你有無重視過一班會員既感受？

你有無尊重過一班係膠登既會員？

定係你覺得呢家搞到D會員無晒癮、走晒都無所謂？

之後一個revamp就可以翻身？

Sorry，你revamp完都好，要上膠登既，都只會係呢家呢班膠登仔

你呢家既膠登keep到幾多人，之後去到revamp後既膠登都係幾多人

所以我唔該你，真係認真少少做好呢家既工作，唔好以為「反正之後都revamp」

就hea做呢家既膠登，膠登已經愈整愈少人

會員之間或多或少有責任，但你既責任絕對都唔會細

我已經係膠登浪費左足夠多既時間

兩年前我不滿高登既管理而出走

今日我或其他膠登既會員同樣可以因為不滿膠登既管理而走

講完，今日開始，唔會再公開就膠登大少事務講多半句

我食住花生等膠登收皮