睇到各位巴絲嘅意見，認為 ice 公開會員資料冇問題嘅有以下論點：

block list 人數唔係會員資料，可以公開。
從「不公開的資料」統計出嚟嘅數字冇指明某個會員，所以可以公開。


我一直以嚟嘅反駁論點：

block list 冇公開；
block list 人數係 block list 一部份；
所以 block list 人數不應被公開 (除非會員主動公開/自願被公開)


從「不公開的資料」統計出嚟嘅數字不應被公開，除非會員自願。
以下係 admin 可以從「不公開的資料」統計出嚟嘅數字，而呢啲數字唔係直接透露該會員身份。

會員密碼長度：估下以下邊個會員密碼長度最長/短。
會員每日登入次數：估下以下邊個會員每日登入次數最多。
會員通常喺邊個時段登入；估下以下邊個會員通常喺下午五點登入。
會員 isp 電郵長度：(自己諗個遊戲主題)
會員 isp 電郵嘅 domain 長度：(自己諗個遊戲主題)
會員 isp 電郵嘅 localpart 長度；(自己諗個遊戲主題)
會員入咗某臺 (例如蕃茄臺) 幾多次：(自己諗個遊戲主題)
會員喺某啲臺逗留時間有幾長；(自己諗個遊戲主題)
會員回覆邊個會員嘅次數最多；(自己諗個遊戲主題)
會員改過幾多次名；(自己諗個遊戲主題)
會員曾經喺幾多個不同地方登入；(自己諗個遊戲主題)

以上都係從「不公開的會員資料」統計出嚟嘅數字、而且不會直接透露會員身份。
除咗呢堆資料，其實仲有好多例子，唔詳列啦。

如果你贊成、主動、自願公開以上呢堆資料/統計數字，ice 嘅做法就冇問題。
但我不贊成、不會主動、亦唔想 admin 公開以上資料/統計數字，所以我認為 ice 嘅做法有問題。

底線就係底線，會員資料最重要，至關重要嘅嘢，冇咁多「無傷大雅」可言。
呢個壇好敏感，admin 應該避談資料，但 ice 反而攞資料嚟玩遊戲。
比較誇張嘅講法：呢個壇好敏感，除非有法庭命令，否則，即使 admin 畀人用槍指住個頭，都唔應該透露半點資料。