2015年我正式終止左對#100毛同白卷出版社嘅支持（除左林夕同陶傑，仲有姊妹上左去。j圖必須儲存

我由佢地2012年更早之前嘅黑紙時期開始支持，中後期有一段時間黑紙免費過幾期，啲人成日亂咁拎，搞到我好驚拎唔到，佢出個日我就早啲出門番學經過7仔就拎。

如今我除左閒時睇下林日曦個page同毛記電視嘅星期三檔案，我同毛孩已經分道揚鑣。

原因

1）林日曦自己都唔睇嘅100毛，我都覺得冇睇嘅價值。

2）作為一個由黑紙時期嘅史前讀者，我睇住由非常腹黑幽默風趣味性嘅偽文字雜誌，變成今日嘅娛樂性抽水雜誌。

3）作為一個創作者，我無法忍受被偽報料同抄襲。

4）我已經唔需要呢種笑話。

5）班毛孩已經成日玩出火令三位老闆要道歉再道歉，作為老闆們嘅支持者我無言。

6）萬華媒體。完

7）政治立場唔同。人地都唔係hehe，兩個都有女朋友，抽政治水係年宵賣公仔。無法認同。我 居 然 見 到 男 神 走 去 幫 佢 地 賣 公 仔 ， 不 能 原 諒。

8）棒gphone同鄺宇俊。

如果我要睇林日曦新書我會問朋友借，再唔係圖書館都有
至於墳場新聞遺憾地我只能去三中書商打書釘，買書梗係去樓上書店啦?
我買過兩本白卷出版社嘅書，一本係鄺宇俊（我想了解下佢點解咁出名呀嘛），一本係n世之前書脊已經泛黃嘅黑紙白科

附錄：明報週刊林曰曦訪問
//林日曦笑容不多，說話有種看破世情的透徹冷靜——難以想像他是當今青年人惡搞文化圖騰《100毛》和《黑紙》的創辦人之一。他是個討厭制度的反抗者，但靜默不張狂——他討厭上學讀書，曾從設計系輟學，又把《100毛》打造成無波士無制度的打工天堂。今次談讀書，他自行梳理一個主題——他說他要談瘋狂，探索所謂「瘋狂」及「正常」間的模糊界線。林日曦就是這樣的一個人，反思日常，質疑權威，愛讀小說、心理學及社會學。還有，他其實不太愛看《100毛》。

對，林日曦其實不愛看《100毛》。

「《100毛》的目的是搞笑，希望把開心及幽默帶給香港人。香港即使政制發展停滯不前，年輕人又無法上游，但香港人一直有苦中作樂的特質，從痛苦中找到好笑的笑料。」林日曦說。《100毛》就示範了這樣的特質——找來元秋扮被稱「政壇元秋」的蔣麗芸，許紹雄扮「4點鐘許sir」許鎮德，讓人一見封面便爆笑不止。「但是《100毛》其實不太適合我。我並不需要人引我發笑。」還不止於此，林日曦說，如果可選擇，他寧願不看新聞不吸收資訊：「去年雨傘運動開始後，我就沒辦法不留意新聞了。但是對我來說，新聞不斷重複，並無營養，書本知識才是更源遠流長的。」他說。//

我係inspire by Tony Wong

https://www.facebook.com/photo.php?fbid=1456922384603317&set=a.1398698027092420.1073741828.100008567079162&type=3&theater;