強國節目為咗搶收視真係可以去到好盡！繼早前衛詩雅喺四川參加強國真人騷《怒放霸王花­》喺嚴寒「玩命」墮冰河出事後，另一個強國真人騷《跟著貝爾去冒險》同樣非常重口味。
呢個野外求生節目謝天華都有份參加，日前播咗最後一集，雖然謝天華同張鈞甯最後勝出，­不過為咗俾一班藝人有一個難忘回憶，主持人貝爾竟然要所有參賽者飲番自己啲尿，真係好­重口味囉！當謝天華知道要飲尿後當堂呆咗，不過最後都係單手拎起個樽，chok住個樣­將疑似嘅尿飲落肚。而呢一幕係直接播出街，真係隔住個mon都覺得勁嘔心！
其實呢個節目不嬲都咁重口味，之後嗰11集入面，曾食活蚯蚓、生食牛內藏同竹鼠……而­謝天華之前亦因為完成唔到任務受罰要接受大懲罰「糞水淋頭」。不過強國節目造假十常八­九，所以有網友就覺得呢樽根本就唔係尿，話只係菊花茶喎。為咗養家，Laughing­哥竟然肯飲尿，人仔真係唔易賺囉！
https://www.youtube.com/watch?v=Z3FGbtmfi1A

你睇！大陸周街屙尿未算跨張，連電視節目為了人仔還要飲埋自己的尿俾觀眾睇架！