［見無人出，我試吓出 magic咭 post 啦。］

magic the gathering (平時叫開 magic咭)　實體card game 1993年首次推出。過咗超過20年 ，喺歐美地區依然流行。
佢出咗免費電子版，叫做 magic duels，可以喺 steam/ipad/iphone平台到運行，而家仲出咗一個expansion (亦係免費)。
儲咭上，佢無咁嘥時間 ，因為common最多儲4張, uncommon 3, rare 2, mystic rare 1。你開咭一定會出啲你未儲滿嘅咭。

玩法大致上都係：你同對手各有２０命，互相出魔法／召唤怪獸對戰，扣到對手無命就贏。（詳細：自己入game 睇。 ）

好嘞，而家介紹吓各色特性，新手砌deck (膠登可能叫 切dick ) 方便啲 ---

白
擁有優質嘅細生物 (平時叫開做怪獸，同時亦有大怪)，適合早段快攻。有殺怪咒語 (平時叫開removal)、有拆神器/結界咒語 幫助清除妨礙 。但係，後期好易唔夠牌。缺點：removal 使用上通常有啲限制。
另，今set好似鐘意玩靈氣結界 (aura)。

藍
擁有較多飛行怪獸，令對手難於阻擋。同時有反擊咒語、移回咒語 (bounce spell ) 破壞對手計劃。至後期，有抽牌咒語補充手牌。
缺點係 缺乏 removal、拆神器/結界咒語。

黑
多removal 、擅長掘墳 (即係遊戲王嘅 死者穌生 ) 、犧性怪去啟動異能等。

紅
當中一啲怪識先攻，再配合紅色嘅直接傷害咒語 、加攻咒語/靈氣，令到佢喺戰鬥上變得非常具威脅。另外，佢仲有一個特色，就係有咒語偷對方嘅怪一回合。

綠
擅長揾地、啲怪通常較大隻、亦有拆神器/結界牌。
缺點：缺乏飛行怪、缺乏removal

新手切dick 提示 ：
牌組通常６０張。地約４成（即２４張），請根據你副牌嘅魔法力費用再去調節。剩係嗰３６張牌，請放不少於一半嘅怪。
另，砌２色deck係幾好嘅入門：
請揀２隻適合自已風格嘅顏色 去互相補足。

另，如想揾人對戰，歡迎add我。