首先最重要嘅當然係形成到雪啦
要形成到雪就要高空(850hPA, 即係大約1500米高空) 嘅溫度同濕度配合
溫度就好簡單, 要低過0度
喺今次寒潮 既然市中心嘅天文台總部都預計低溫係6度
而我地知道海拔每升1000米就跌6度
所以好大機會全港都達到依個水平

另一個需要嘅就係高空中有水氣提供
預測星期日上空係會有雲
所以亦有機會達成依個要求

而最後就係地面嘅溫度同濕度要令到D雪喺落到地之前唔會融
咁如果地面溫度都低過0度咁就唔洗煩啦
只要有水氣就一定有雪

但係今次香港應該會廣泛地區係3~6度咁上下
咁就需要同濕度配合
個要求就啱啱相反 需要比較乾燥嘅環境
(當然濕度唔可以太低 如果唔係D雪就蒸發晒 )
可以參考下依幅圖:


唔可以太濕嘅原因係 如果喺依個>0℃嘅環境嘅空氣入面有好多水滴
D雪落到嚟嗰陣就會同D水一齊熔化


最後post埋天文台預計嘅溫度同濕度

一 月 二 十 四 日 ( 星 期 日 )
風 　 ： 北 風 5 至 6 級 ， 初 時 高 地 及 離 岸 7 級 。
天 氣 ： 天 氣 嚴 寒 。 初 時 有 一 兩 陣 雨 ， 日 間 大 致 多 雲
及 乾 燥 。
氣 溫 ： 6 至 8 度 。
相 對 濕 度 ： 百 分 之 55 至 90 。

一 月 二 十 五 日 ( 星 期 一 )
風 　 ： 北 至 東 北 風 5 級 ， 初 時 高 地 及 離 岸 6 級 。
天 氣 ： 早 上 嚴 寒 。 部 分 時 間 有 陽 光 ， 天 氣 乾 燥 。
氣 溫 ： 6 至 11 度 。
相 對 濕 度 ： 百 分 之 40 至 70 。