Men Club
http://www.menclub.hk/mobile/article/article.php?cat=tech&aid=5598

以色列科學家發現愛滋有得醫

愛滋病出現至今已經導致2000萬人死亡。雖然近年已有方法，但仍然冇辦法根治，不過以色列希伯來大學科學家Abraham Loyter同Assaf Friedler就聲稱有得醫，3個月內就可以進行臨床實驗。

Abraham Loyter同Assaf Friedler話佢哋有方法可以殺死愛滋病毒，發現可以利用細胞嘅毀滅機制嚟殺死病毒，將多份病毒DNA基因組複製注入患者細胞，然後令細胞激發毀滅機制。佢哋已經研究到用胜肽混合現有治療愛滋病嘅藥物進行治療，而且只係用咗兩個星期，原來受感染嘅細胞已經搵唔到病毒。研究結果更發現呢個方法唔單止可以抑制病毒，更可以消滅已受感染嘅細胞。不過佢哋嘅研究放喺醫學期刊後，並唔係個個當神蹟咁，唔少專家對呢個醫治絕症嘅方法仍然保持觀望態度。