題外話 : 身邊有啲毒撚都話想溝女拍拖 唔好話丫 我睇死佢地只不過想試下啪啪啪係咩感覺

話說有個毒撚FD 平時笑佢魔法師 但係點知佢真係成功追到個女仔 開頭佢地兩個好地地 後尾女方發覺自己其實唔係鐘意男方
只係因誤會而結合 而男方一直都唔知女方心入面諗咩 仲一直對個女仔好好 甚至連自己7成時間都花係女方身上
每晚放工 送個女仔返屋企 即使送完佢之後冇車搭 拎返工時間同個女仔傾計 不務正業
個女仔病咗就放埋假去睇佢 煮埋粥比佢食

就係依個時候 女方開始搵人呻 好搵唔搵搵著我 個女仔曾經講過一句 : 佢對我太好 我唔想佢對我咁好 我唔值得佢對我咁 好辛苦
P.S. 個女仔有食煙有飲酒 但係對人好好 好體貼 唔講食煙飲酒有一個好好嘅女仔
正所謂寧教人打仔莫教人分妻 我唔想因為我一句就拆散佢地
我講咗一句
[#2b00ff]"我對自己女朋友都冇佢咁好 你都算係咁啦 有個咁愛你嘅人"[/#2b00ff]
我知道依個女仔有太多過去 而且係放唔低 所以我都明點解佢話自己係一個唔值得比人愛嘅人
成程我就係聽佢係咁呻 我只係加幾句中立嘅說話比佢 後尾佢喊曬口 我就沖口講咗句
[#2b00ff]"係咁辛苦嘅 點解唔直接啲同佢講"[/#2b00ff]
不過我都估到個男仔講埋啲老套野
[#ff0011]"因為我愛你丫嘛"[/#ff0011] 果然個女仔真係咁答我 我只係笑一笑下
如是這 成程我就係聽佢UP 不過我依個時候就知道佢已經唔再鐘意個男仔 心入面對佢除咗內疚冇其他

過兩日 到個男仔搵我 未出黎之前我都心知佢地分開咗 佢一見到我就同我講話分咗手 連位都未搵到位坐就係街到同我講
之後搵間餐廳一坐低 佢就問我
"你同佢講咗啲咩黎" 佢知我同佢個EX傾過計
我就將佢同我講過嘅野一五一十同佢講 個男仔就好疑惑咁問返我
"既然佢辛苦咗咁耐 點解唔同我講" 心諗係咪戇鳩 你自已諗你自己點答人
[#f700ff]"又點解之前去trip要對我咁好 見我病病地又出去買藥又餵我食藥" [/#f700ff]
依個時候我好殘忍講
[#2b00ff]"毒撚真係毒撚 人地對你好少少就以為人地真係仲鐘意你 喂大佬 換著係我我都會買藥比你食啦 仲要去trip 有咩事你過唔到境點算阿"[/#2b00ff]
佢好似比我一言道破咁 收咗聲分幾鐘 之後又問
[#f700ff]"咁即係一直以來 佢都係以朋友身份對我?"[/#f700ff]
我HEA答佢
[#2b00ff]"以前佢點諗我就唔知 不過我好肯定依一刻佢唔係鐘意你 或者一開始佢只係因為錯覺先同咗你一齊 佢岩岩分手半個月你又追佢 佢以為自己係鐘意你 到最後發現自己唔係"
"你咪當自己發咗場夢咪算囉 初戀係無限美 但係唔會長久 有日出自然有日落 我知你唔會放低到佢架啦 搵樣野做等自己分下心啦"[/#2b00ff] 其實我都唔知自己講緊乜

有好多細節位都唔係好記得 不過過程我都冇乜點發表過意見 依家男仔間唔間中搵我個女仔依家點 我次次都答佢
[#3300ff]"知又點唔知又點 又做唔到啲咩 做到佢又唔會搵返你"[/#3300ff]

總結 [#ff0000]點解毒撚對女仔咁好有咁既下場 啲死MK對人咁差反而有女仔落嗒[/#ff0000][/size=6]