來源http://m.eprice.com.hk/mobile/talk/4531/204502/
之前版主阿坤就同大家分享過， LG 官方正式承認左因為硬件方面有缺憾，所以 G4 會出現「死機」以及「不斷重啟」問題。期後， ePrice 台灣站都收到 LG 官方正式回覆，提到會「積極處理所有消費者的需求」。不過，大家不要以為問題已解決，因為係香港方面，情況就更嚴重，版主從不同方式，已經確認到大鋪已經將 LG G4 下架！一齊睇睇咩事。

係「死機」同埋「不斷重新開機」的問題出現，而 LG 官方正式承認問題之後，版主今日就收到消息指，衛訊已經無再賣 LG G4 單卡及雙卡版。之後版主向多間衛訊分店求證，初時得悉的回應係因為「無貨」所以無得賣，但追問之下，衛訊方面就給了「因程式軟件出現問題，為左保障顧客，所以將 LG G4 暫時下架。」再問幾時會再返貨？衛訊方面就回應要等待廠方另行通知。

針對衛訊將 LG G4 下架一事，版主亦有向 LG 香港方面求證， 以下就係就「死機」以及「不斷重啟」問題的回覆，而衛訊停售事宜目前仍在等待進一步的答覆。




好彩一個月前trade in咗hkd1550,宜家一定俾收機佬壓賤價。