燒嘅係營火
打又就住就住
拋磚見到對方有嘢擋先拋
條友喺正人群前方, 唔係拉佢入黎, 唔係捕捉佢, 而只係追拍佢背脊
一架爛車、一間爛舖都冇, 咁嘅暴徒喺邊度搵
我真係想代表警方向香港人感恩 不過我冇幸唔能夠加入警隊, 代表唔到佢哋

至於件事
講到尾最大問題係, 冇目標
當然事件開始咗就咩都有可能發生, 事後走去話唔應該製造/發大件事係好無謂
落井下石嘅"隊友"唔會識喺高地落返黎, 呢啲"隊友"不乏支持恰當時候用恰當武力嘅人
人人底線都唔同, 我覺得呢種諗法好正常, 就算係我, 都會否定主動嘅殺傷力行為, 亦唔應該喺直堵長城嘅時機以外執行
問題係作為"隊友", 可以唔幫口, 但係冇理由幫手踩, 然後一心想喺嬴嘅時候一齊歡呼

稱得上嬴嘅目標只有一個, 恢復主權
琴晚件事, 有冇可能發展到出現/達成呢個目標? 我唔會話可能性係零, 不過好低
而低嘅原因係因為琴晚出黎嘅人, 我相信冇一個人係帶住呢個覺悟出黎
出黎嘅人有冇人諗過要令眼前警察解除武裝投降, 然後直堵警署、政府機關, 以至政府總部, 我相信係一個都冇
出黎嘅人係諗住支援戰線, 但係只有諗點樣喺戰場度拎優勢, 而且優勢完全只係建立於"突襲"同人數之上

琴晚件事嘅得著係做咗個社會實驗
仲有建立到應對將來可能面臨嘅突發事件嘅心理準備, 呢點係好事
今日有可能係未來嘅基石, 不過呢樣要未來成功咗先可以證明到
但係點講都好, 都係犧牲咗唔少義士
至於實戰經驗, 唔多覺有
行動上的確係好似比過往進取, 有變化
不過對方係無備以來, 幾乎毫無策略, 咁嘅人數都同香港人對峙到咁耐
不如話顯出我上一段講嘅問題