「爭取民主還爭取民主，搞到要掟磚，打人真係唔啱。更何況你地只不過係為粒魚蛋，咁做真係過左火位。」
後一句唔評論，因為大把人講過有咩問題，再講就口臭
我想講既係：爭取民主，係咪無可避免地要訴諸武力?
我既答案:係，絕對係。
民主並唔止係人民當家作主，更重要既係民主制度下，
所有人擁有相同既政治權利，同時所有人既權利都唔應該被忽視，否則會淪為多數人既暴政
而且，民主下冇一個政府機關擁有絕對權力，三權分立互相制衡，當然冇行政主導呢支歌仔唱
你可以見到，民主既要旨係權力既分散，體制下冇人可以有權為所欲為
所以，同信奉中央集權既人講，我要爭取民主，同與虎謀皮無異
只有集權，先可以公然收受行益而唔洗坐監
只有集權，先可以繞過法律，為所欲為
你地話要民主，咁同削我權有咩分別？
記住呢句說話：權力令人腐化 絕對的權力令人絕對的腐化
冇一個當權者，係冇一個當權者嘗試過權力既滋味後會願意下放權力
你會諗：唔緊要，我地有議會，我地可以遊行示威呀！
用返上面既邏輯，當權者只會死攬權力，你覺得常規既手法仲會有用？
你根本冇同佢談判既籌碼
於是無可避免，抗爭手法會變得愈來愈激進
點解？因為獨裁者係敵人。
呢個敵人係由利益上同你對立。呢場係只有一個贏家既零和遊戲。
大家由根本上就冇合作既空間......有既，果種叫讓步，但讓步係有限度。
咁你明點解爭取民主係一定要流血，一定要死人未？