讀中學果時我鐘意左一個教英文既miss.
佢只係教過我中二個年,
但我已經將佢擺左係我既favorite list入面
係中二果年既英文堂入面
佢最錫果個應該係我
可能因為我係全group入面(果時一班分兩個英文group)英文成績入面最好同最乖
又經常幫佢拎薄
仲做埋佢科長
所以我特別同佢多計傾
同變到好熟
但讀中學果時個人比較怕同暗戀,鐘意既人傾計,接觸
特別佢仲要係miss
所以自從去到中三,中四,中五冇教過我既關係
次次同佢行過都急急腳走左人
我最記得有次我中三小息完左,
我行後樓梯返班房
點知迎面見到佢,
諗住又用同一招閃左去
跟住佢話"又扮睇我唔到呀?"
仲好記得佢個樣係有d嬲嬲地
跟住我就講左句"hi, bye"之後就走左 (心諗做乜勁 )
中四果年因為個個星期二定唔知三都要去禮堂聽講座
佢教個班通常坐係我地班前面
所以經常望到佢
有唔少次都比我都發現佢望住我呢個方向
有日我試下回頭望佢
點知佢真係望住我
但好快佢就拎返轉頭(唔係ff)
雖然唔代表d乜野
但我仲好清楚記得呢個畫面
中五去到11月尾就退左學過外國讀書
本身諗住臨走之前同佢影相留念,
但果時已經兩,三年冇傾過計
所以就不了了之 (到呢家諗返起都唔知驚乜,覺得自己真係好on9 )
帶住遺憾離開左間學校
到呢家離開左間學校都有三年
因為仲係好鐘意佢
由中學果段時期到呢家我都冇鐘意過其他女仔except佢
話說琴日上上下fb搵到佢
已經add左佢fb
但仲未accept我
大家覺得如果佢accept左之後好唔好約佢我今年返香港果時同佢出黎食飯?
如果佢唔accept咁應該放棄定message佢好
小弟平時好小上感情臺
因為本身唔係好care自己既感情事
係唯獨呢單野我仲未解開到心結