2016年02月17日 星期三
內地生要學生會退會費 因為睇唔明繁體email
話說最近有個內地生，或者尊稱佢做NDS啦（即係Nei Dei Sang，內地生嘅普通話拼音），佢喺BU民主牆度話要學生會退會費畀佢，原因竟然係佢用開簡體字，睇唔明學生會寫啲繁體？


是咁的，其實佢咁樣樣講，都係因係BU飯堂個繁簡風波嘅～前排飯堂出咗啲簡體告示，然後堅持BU用繁體字嘅學生會就寫咗封信，叫飯堂用返繁體、尊重本土文化......


但班NDS就唔係咁睇喇，所以咪喺民主牆度嘈住話要退會費囉......就連平時唔抵得班NDS咁醒目嘅香港同學仔都突然開竅，贊成NDS嘅睇法，仲支持佢即刻同學生會脫離關係?！睇下，右手面嗰啲咪就係佢哋含淚貼出嚟嘅愛的告別囉～


唔止咁呀，班香港同學仔仲知道自己用繁體太退步，覺得BU嘅繁體學習環境襯唔起NDS，希望NDS返強國有更好嘅發展！



係囉，NDS對香港嘅學術成就已經付出咗好多，再耽誤佢哋前途就唔好啦，本地同學係時候自己努力喇～
http://www.tvmost.com.hk/201602171452_article_nds

嘆為觀止