老豆終於第一次肯聽我呢個廢青講嘢。

佢，藍絲，青衣長發街市其中一員，平日淨係睇無綫、染紅免費報紙，14年對住電視猛鬧人佔中垃圾嘅其中一個。今日，佢自己做出罷巿呢啲「激進」行為。

所以真係唔需要同呢類人講太多耶穌，燒埋佢哋嗰叠時自然識醒，當然醒覺時一切已經太遲。亦無必要棒打落水狗，望住領展唔知由邊度變出來取代佢哋嘅臨時租客，佢眼神流露出嘅難以置信、憤怒、惶恐，終有一日會出現喺其他藍絲身上。

兩年前為咗雨傘革命同親兄弟鬧翻、同我都幾乎嘈到斷絕關係嘅老豆，今時今日居然由佢口中講出「抵你啲後生掟磚」呢句咁勁爆嘅說話，除咗淺笑一下我都唔知應該俾咩反應。

（有關文字已獲作者允許轉載）