【本報訊】嶺南大學昨舉行新春傳媒茶敍，校長鄭國漢（圖）質疑參與旺角騷亂的青年，憑甚麼破壞香港核心價值，惟他認同政府應多聽民意，舉例指2013年電視發牌決定難以理解。對於本土思潮冒起，鄭稱本港脫離中國沒前途。

質疑大專公投認受性
對於大年初一騷亂，鄭國漢稱感到震驚和傷感，「暴力係違背咗我哋香港核心價值」。他稱事件反映社會有問題，但問題複雜，不能將暴力合理化，「點解年輕人話暴力打破呢個制度？呢個係幾代人好辛苦賺番嚟，你憑乜摧毀佢呀？」鄭指香港是中國一部份，可能有人抗拒，但結果一定沒前途。他說：「最壞情況講新疆同西藏統治咗香港又如何呢？係咪想行到呢步？」
多間大專師生發起公投就約束特首校監權力表態，鄭聲言尊重教職員參與及留意結果，但質疑認受性，「支持（議題）嘅會去投票，但反對又未必會去投票」。投票率多少才有代表性？他笑稱100%，其後解釋：「要好多囉」，他表明不投票。鄭又提醒大學生應尊重別人，「如果學生嚟到已經話識晒全世界啲嘢，我已經掌握咗真理，我做判官，淨係判邊個啱邊個唔啱，咁其實唔需要嚟大學」。
嶺大學生會會長劉振琳反駁，指鄭無視制度暴力，「我諗鄭教授冇乜感受到香港人絕望，因為佢係既得利益者」。他批評鄭愧對嶺大宗旨博雅教育，毫無批判性思考。公開大學校長黃玉山昨於傳媒春茗回應旺角騷亂時譴責暴力，又指政府要檢討與青年接觸方式。
■記者蕭洛汶


http://hk.apple.nextmedia.com/news/art/20160219/19497035