香港地道美食，拮魚蛋同一盅兩件點心一樣深入民心，不過近嚟魚蛋有啲危險；點心好似安全啲，乜都有得食，最近呢個香港文化特色仲傳到去「外國勢力」，喺捷克有位廚師早前喺首都布拉格舉行咗「點心車快閃」活動，喺街頭有點心車、一個個蒸籠，好似見到以前去酒樓嘅光景！














呢次快閃由前日一連2日（2月19、20日）開始擺街檔，嚟緊會繼續喺3月去唔同餐廳發起「點心巡禮」。當然，外國人整點心嘅方法同款式一定唔夠香港地道，不過都有叉燒包、蝦腸同馬拉糕；燒賣、餃子餡料豐富，有豬肉、鴨肉、吞拿魚、火雞等任君選擇；仲有炸餃添！

最緊要係「一盅」真係得兩件，好有古早味！香港人慣咗飲茶食點心，去到外國就轉咗夾白酒、紅酒，中西Fushion菜正呀喂！望落架點心「美食車」造價都唔洗60萬，已經吸引咗好多人關注

http://nextplus.nextmedia.com/news/spot/20160221/357514

食點心配餐酒