終於做完愛回家 曹總人氣揮低馬壯

《愛．回家》終於去到做到尾聲，尋日新舊兩輯嘅演員一齊拍結局篇，一邊有龔嘉欣張振朗疑似戲假情真，另一邊廂，就有馬家「家有喜事式」嫁女，《壹》仔只係想問句：「咁曹總呢？」

有人話第二輯班演員唔夠馬家咁正，但其實由第一輯開始，馬家成班人都唔夠曹總人氣咁勁。尤其係嗰句「阿壯呀，有你呢句說明，我就放心啦」，聽幾多次都識笑。曹總嗰啲唔咸唔淡嘅廣東話，再加埋副超，演大陸土豪入型入格，用星爺嘅講法，就係「由內去到外，再到番外」。

唔止《壹》仔覺得好笑，好多高登巴絲打都力推曹總架，有人話「真大陸佬都冇佢咁大陸」、「全套戲選角選得最好係佢個角色」，又話「Tvb勢估唔到曹總嘅戲竟然咁搶」，甚至有人叫方丈搵曹總代替李思捷，做番個新節目添！

曹總雖然喺網上人氣勁，但睇番結局篇拍攝現場，最後一集，好似冇曹總份！方丈捉到鹿都唔識脫角，認真可惜。係喎，講咗咁耐，其實曹總個真名叫劉一飛呀！

https://www.facebook.com/nextmagazinefansclub/posts/556568471173767