經評估後, 大約有10-20%左右既本土派支持者會因為大局為重而改投公民黨, 例如本登一名肉務腸

基本上完全反對依種想法. 我堅決想打泛民招牌的公民黨落敗, 加快香港量變到質變, 革新香港政局

你話周生當選會令議事規劃被建制派改埋去. 話, 簡直正合我意. 坦白講, [#ff0314]本土派出選, 就係要令泛民的楊律師無得當選, 令泛民敗選失去議席[/#ff0314]. 令建制派當選而促使對方直選過半, 改埋議事規則, 完全係符合本土派利益的Hidden Agenda. 爭在係唔係公開出口.

香港人唔係幻想泛民乃至將來本土派幫你拉布拉到2047年, 期望拉布可以令香港有改變? 根本拉布係極積極的手法, 你唔厭我都覺得好煩.

根本再拉落去, 政府想通過的方案, 始終都係會通過, 而香港人都唔會有咩大反應, 因為經歷左梁四年統治, 我相信唔少香港人早已習慣左梁式的威權統治方式, 侵犯人權的事喎, 有咩好出奇? 香港地唔侵犯人權先係新聞

點解泛民班仆街關心議事規則拉布? 你估佢地真係想拉布. 根本為勢所迫, 不得不已交下戲, 同以前玩下離場抗議無分別, 根本只係麻痺香港人, 所以根本係抱薪救火. 普通市民就算好憎梁振英, 都唔代表會轉化成支持泛民做拉布依d戲碼, 因為正常已無耐性, 覺得你地好煩, 只係識得搞搞震. 用我的術語, 泛民係一群無統治意志的垃圾, 只係一群無力改變香港命運嘈音製造者

拉布已經成拖延香港向前進的工具, 淪為泛民的遮醜布.

將來周生勝出, 建制派過半, 可以大條道理順理成章剪布, 杜絕拉布, 政治上邊個死得最慘? 一定係泛民, 因為最後一招都被人廢功, 香港人唔會再對無能的泛民有期望, 去到九月真係大選的時候, 票源自然流向本土派, 政壇大整合同執位, 全面革新.

這亦都足以解釋點解今次本土派各派系都空群而出, 連陳雲都公開站台, 破除過去分歧都一定要支持本民前, 就係一定要打敗泛民.

有人問, 如果議會無得拉布, 咁選本土派把托?

答: 本土派根本旨不在此. 一來, 佢地要錢同辦公地地點. 二來, 一個議員被人拉被人打可以引起公眾關注, 定係一個籍籍無名普通廢青被人拉被人打引起公眾關注? 話語權及Agenda setting是重點, 唔通真係好似陳雲咁鳩up多5年咩.

香港要贏, 泛民要輸. 完