我發現用大白菜，油麥菜，唐生菜哩啲一塊一塊形狀菜，同飯一齊煮，菜撕碎，同飯比例1:1，加少少花生油去煲。
菜因為同飯一齊煮，菜會煮到黃咗，但係啲飯會好好食。
一啲都唔同街邊果啲所謂菜飯，菜又少量又青綠(一睇就知係白飯煮好後溝菜碎)，十足十食白飯咁難食

你地有無試過？

另外家傳菜飯係，先預備好菜碎，生米，一定份量的水(用來煮飯，份量依自己火喉，米份量，同經驗而定，唔好忘記菜也有水)。
開鑊，先用油開大火爆炒菜碎抄幾下，時間十秒內，唔係要佢熟係要佢香，快快手放下水同生米，攪"暈"米同菜佢地同時調味，水熱起咗放鑊蓋收細火去焗，大約十分鐘後米變成飯就食得。
註：畢竟唔係電飯煲去控制，水份量，火力，時間好考人，水太少米唔熟仲會煮燶飯，水太多會太水無口感。這些就是你自己經驗去控刷了，最好用玻璃鑊蓋，或時不時開蓋看一下米還是生但有冇太早收水，你要預備定熱水必要時中途加水，要要用凍水，會降低温度。
你還可加其他材料，只要開頭同菜一齊爆炒就得。

利申：鳩up等人中伏