https://docs.google.com/spreadsheets/d/1GtWGiWb4FEbQv9IdnrD49rm9SCM3ykm-7hZXF7lvT4Q/edit#gid=678623787

1. 方國珊得票比想像中低. 佢講過話有信心多於5萬, 最終只係3.34萬.

2. 梁表現合格有餘. 惟對選舉結果有點意見. 始終傳統本土派都係關心時政, 理應空群而出, 而泛民支持者多數係取態溫和, 對世事不上心. 但最終得票雖然有6.65萬左右乃大致勝於預期, 但距離新東2012年進取型民主派取得11.4萬左右為低, 梁是楊得票的41.36%

3. 建制派得票比率仍然有良好增長, 泛民+本土的佔比只有52.57%, 比從前的57%為低. 部份票源主要流向自稱中間派/中立的溫和派/溫和建制派.

4a. 梁的選戰策略一反以往本土派的常態, 就係269式怨婦攻擊泛民. 梁基本上無攻擊過泛民. 好老實講, 我都好憎人攻擊泛民, 因為老掉牙, 無意義, 怨婦言論好難頂, 你有本事咪說服人支持你去取代佢囉, 講咁多廢話做咩

4b. 梁的團隊才能傑出. 網站及文宣設計一流.

4c. 梁的競選團隊最令人欣賞就係年青式的幽默及騎劫式抽水. 例如「行正路, 投六號」, 「風雨飄搖, 票投六號」, 「唔好嘈啦, 票投六號」. 試問其他六位參選人, 夠唔夠梁的競選團隊係依方面露活走位, 高叫時代革命, 票投3號? 一定唔得, 大家太正經, 雖然唔代表6號就唔正經. 而且犀利在於好笑之餘, 突顯政客口號之口洞無力, 其實可以輕易擊破當中的政治荒謬.

4d. 梁的口才及個人魅力係提振本土派士氣, 有利得票, 散播政治信息的主要原因. 唔想認為梁得票及聲望大振係因為旺角暴動, 加上剛好佢又比人拉而刺激起來. 但如果後來的二十日佢無咁上下的辯才同個人形象及魅力, 你覺得可以提升到今日如此高的地位? 試想想, 如果今次換轉係中出羊子又或者陳雲出選, 我相信願意投佢既少一半有多. 人地問你投邊個, 你好唔好意思話我投左陳雲條on9啦, 係唔係?

5. 楊最終得勝, 大致上靠了個人魅力先可能勉強勝出. 試想像, 如果今次換轉係張文光又或者李華明出選, 肯定輸左. 楊係新人, 有利有弊. 但今次勝在無過去泛民負資產的包袱唔太重, 又或者至少成功移開了, 加上有口才, 形象正面. 今次楊梁都係中國式君子之爭, 居然兩人無互相269式攻擊, 而成件事發生係現代的香港, 簡直超越時空, 難以致信. 最柒係班泛民大佬同蘋果倒米而已.

6. 周輸在on9. 如果佢唔係on9, 換轉係曾主席, 早就贏左. 不過關於自由黨及鄉事派因咩事唔拉票, 西環唔積極的原因, 就仍然有待研究.

7. 黃成智輸在份人on9, 唔關中間路線事. 我幾肯定要搞中間路線式的非奴才式的溫和建制派係有市場同方法, 不過問題係你on9而已.

8. 梁最終得票率有15.4%. 反共陣營得票比2012少4萬. 換言之, 我估有一半人上次投溫和泛民, 今次無投. 有另外2萬因唔想益dab, 而做了劉病已式的決定.

2012年, 進取型泛民有11萬票. 再睇埋2010年5區公投: 新界東投票率都係17.23%左右, 長毛取得79.9%支持, 最終得票10.8萬.

全港當年有投比反共陣營有50萬票.

所謂三分天下, 其實一早已經係. 只不過今日進化成公然的競爭者, 以及完全決裂, 成為完全獨立的政治聯盟和意識形態, 非泛民所及.

換言之, 一般程度下七除八扣, 我估本土派可以係新東取得8萬票左右, 得票率可達17%左右, 坐一望二. 如果配票成功就8.5%. 以新東9席, 門檻即11.11%即當選. 但另外7席將由其他傳統建制, 中間, 溫和泛民及非本土的激進派瓜分.

9. 投票率有46.2%左右, 比預期低, 特別係誤以為李波及旺角暴動等多個因素有利選舉氣氛