可能巴打已經講過同一樣嘅嘢, 我諗我呢度寫嘅99%係重覆緊, 不過開咗個頭就打埋啦

城市論壇鄭松泰答會即刻辭職我突咗一突
係咪低能 憑咩有咁嘅信心
咁想見到長他人志氣, 滅自己威風嘅結末?

不過我本身就唔支持佢個辭職公投計劃
都係嗰句, 幾年前證明咗無價值無威脅嘅行動你做黎做乜
香港政治參與度有8成咁就話姐, 參與度得五成左右(都未計合資格登記但係冇登記嘅人), 而且個派別本身只係獲得其中一成幾人支持
半年可以有好大改變? 一個月由0去到15%, OK, 係好大改變, 但係要去15%以上就完全係第二回事
泛民 苦 苦 耕 耘, 支持基數有好大變化咩? 冇, 而且比例仲要係連續二、三十年一直跌
而激進派, 由2008年10%去到2012年接近15%, 比例代表制下係好好嘅成果, 但係4年之間5%已經係極限, 呢樣亦係事賓
全民制憲呢個議題要大幅提升支持度, 唔見得會易, 亦唔見得短期內個極限有幾高
再加上我相信現行參與度下公投結果幾漂亮中國都可以無視

如果呢個即刻辭職嘅方針繼續落去, 我有機會唔投佢哋五個, 最壞情況係白票

講真, 我唔知佢哋係天真定係點, 真係唔明佢哋憑自己係唔能夠充分代表到本土派呢個衍頭? 真係以為自己票源可以同梁天琦一致?
時至今日, 用本土派呢個牌頭成功喺全港範圍落地入屋嘅, 只有梁天琦一個(或者加埋黃台仰, 至於游蕙禎嘅知名度始終係比較局部)
毓民衰在太多政敵, 太多傳聞, 轉過咁多次黨亦令一知半解嘅人卻步
黃洋達衰形象, 加上2012年佢份政鋼都仲係有大中華意識
陳雲衰在一般人覺得佢成日發神經, 實際上的確係, 同埋佢形象又有另一種大中華意識
同埋佢哋嗰啲非我族裔則為敵人嘅態度同言行真係趕客(當然我唔係話要有求同存異、為團結而相同呢啲白癡嘢)
其餘兩個我唔熟, 亦唔認為街外人會識
係, 梁天琦都係初一之後先開始有知名度, 但係唔同嘅係, 梁天琦本身係獨立於佢哋嘅路線, 所以唔會有先入觀, 言辭之間亦明顯見到唔係同佢哋相同

仲有一件事, 公佈參選嘅時機
錯哂
可能佢哋一早就預咗補選之後公開, 我意思係梁天琦成名之前就決定咗
問題係梁天琦帶起咗本土思潮, 個icon喺本民前度
補選後就即刻用本土派名義宣佈參選完全係錯判形勢
而綑綁辭職公投同全民制憲, 就完全係錯判局勢, 呢點大概講咗就唔再講
講返形勢
好主觀, 講我自已, 我睇好梁天琦, 除咗立場清晰、形象唔差同埋有論辯能力, 仲有一點好重要, 佢冇所謂雙黃一陳派別嘅影子
或者論述上, 理所當然地, 有參考有重疊, 但係觀感上, 我認為冇
指嘅觀感係上述提過, 雙黃一陳同埋城邦派過往唔算正面或者入唔到屋嘅各種形象
縱使毓民同熱血公民積極助選, 我都冇覺得過本民前同雙黃一陳係同一個系統
亦因為咁, 我相信對雙黃一陳卻步嘅人都會樂意投票畀梁天琦
補選後, 本土派支旗理所當然係唔止喺普羅政治、熱血、復興會身上
但係喺冇取得其他旗手一致口吻嘅情況下就用呢支旗捆綁一個圍內嘅主張(辭職公投)宣佈參選
呢個行徑明顯畀人一個搶旗嘅印象, 係咪白癡?
顯然而見嘅結果係收割論陰謀論雞飛狗走
當然咩時候宣佈都一定會有呢啲論調, 問題係最易畀人入位嘅時候佢哋就用最冇sense嘅取態走出黎
唔好講收割, 實際上只會增添香港人對佢哋嘅疑惑

跟住仲走去攻擊青年新政 雖然陳雲你係攻擊開
青年新政嘅政治判斷係咪可以接受呢點就仲要再睇佢論述同行動先可以再講, 不過我冇質疑佢政治立場, 點都好, 呢個又係另一個話題, 唔多講